Jeremia 18:11 - MUKANDA USANDU WA ZAMBI 1975

¹¹ Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Mukanda Wa Zambi 1970

¹¹ Kashika haliabwila, lwezenu Ayuda ni akwa Yerusaleme ngwami, ngunalulika kulimika no nikwamwesa lamba. Alweze alumuke, alitwamine kulinga yibi.

Jeremia 18:11 Iomraidhean Croise

Ubutukilo 11:7

Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

1 Yitanga Ya Mianangana 22:23

Kashika tala, Yehova hasa spiritu ya mahuza mu makanwa ja wano aprofeta je eswe. Chikwo nawa Yehova hahanjika chipi ha kutwala kuli yena.

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

1 MIANANGANA 22:13

Yénu nukanguhulile Yehova hali yami, ni hali e atu, ni hali A-Yunda eswe ha kutwala ku maliji a mukanda uno hauwana. Mumu ufwatulo wa Yehova uze unakasumukina hali yetu wapwa unene, mumu atata kapanjikile maliji a mukanda uno akalinge yize yeswe yasonewenamo hali yetu.

1 MIANANGANA 5:5

Mwanangana wa Seria yamba ngwenyi, Yako nyi, mba mungutuma mukanda kuli mwanangana wa Izalele. Naamane yakatuka nikumbata kumi lia *talentu ja prata, ni tununu asambano a mbongo ja oru, ni kumi lia uzalo.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Izaya 57:1

Mukwa ululi kakukuwa, alioze niumwe kanachise mbunge. Akwa kulemesa Zambi kakwachiza, alioze niumwe kuchamulumbunukine. Mumu mukwa ululi kakumuchiza ku kuji-ni-tomo,

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 11:19

Alioze napwile ngwe mwana-panga chimbovu wa kutwala ku chishihilo. Chanyingikine ngwami, Yami anatakila yuma ngwo, Tukenyeke we mutondo ni mihuko yawo; tukamuteteko ku chifuchi cha amwono, hanga akavulame jina lienyi ndo ku miaka.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 19:3

Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Jeremia 25:2

Te liji lize profeta Jeremia yamba kuli A-Yunda eswe ni A-Yerusaleme eswe ngwenyi,

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 26:3

Hanji makapanjika, mutu mweswe akatuke ku jila yenyi yipi, hanga ngukalikonyeke ha chuma chikalu chize ngunambe kwalinga mumu ha yitanga yo yipi.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Jeremia 4:23

Natalile hashi, kumanyi hapwa hamokomoko ha hululu; natalile kwilu kumanyi kukushi pangu.

Jeremia 4:6

Zundulenu mbandeira kutalikisa ku Zaione; chinenu ha ulamwino, kanda nulaluka, mumu ngunaneha chipi cha ku Norte, kwonwona chinene.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 7:3

Yehova-wa-Tujita mwe Zambi ya Izalele ngwenyi, Pemesenu majila jenu ni yitanga yenu, mba mungunutayiza kutwama kuma kuno.

Ezekiel 13:22

Mumu hinwahongesa mbunge ya mukwa ululi ni mahuza, chipwe yami chichi kumuhongesa; alioze hinwahana tachi kuli chingulungulu kuchina makatuka ku jila yenyi ya ungulungulu akalamwine mwono wenyi.

Ezekiel 18:23

Mwene Yehova kanambe ngwenyi, Te nakuwahilila ni kufwa cha chingulungulu? Chazangile te akahichike ndako jenyi akatwame ni mwono?

Yona 3:8

Alioze akalifuke ni chikeleyi, ni mutu ni chimuna, akatete kuli Zambi ni tachi. Akakatuke mweswe ku jila yenyi yipi ni ku upupilo uze uli mu moko jenyi.

Mika 2:3

Kashika Yehova kanambe ngwenyi, Ha kutwala ku munyachi uno ngunanunyongena chuma chikalu; kunuchi kahasa kutusulako makota jenu. Kunuchi kenda nawa nikulizelula mumu muchikapwa mwaka upi.

Zakaria 1:3

kashika amba kuli ayo ngwe, Yehova-wa-Tujita kanambe ngwenyi, Hilukenu kuli yami ni yami munguhiluka kuli yenu. Chocho kanambe Yehova-wa-Tujita.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Tiangu (Jake) 4:13

Achivwenu haliapwila, yenu nwakwamba ngwenu, Musono, hanji hamene, mutukaya ku limbo lia nganji, mutukatwamako mwaka, mutukasepa, mutukafumbuka.

Tiangu (Jake) 5:1

Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.