Jeremia 18:10 - MUKANDA USANDU WA ZAMBI 1975

¹⁰ nyi muulinga chipi kumeso jami kuwapanjikile ku liji liami, mba mungwalumuka ku chipema chize namba kuulinga.

Mukanda Wa Zambi 1970

¹⁰ Alioze nyi lie vungu liangukolema ni kulinga yibi, chichi kwalinga ngwe chize nambile.

Jeremia 18:10 Iomraidhean Croise

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Ezekiel 18:24

Alioze muze mukwa ululi mahichika ululi wenyi akalinge uhenge, ni kulinga yuma ya lwaji yize yene chingulungulu akulinga, te makatwama ni mwono? Nichimwe chitanga chenyi cha ululi halinga makamwiwulukilacho. Ha mafwefwe aze hahila, ni mulonga uze havulumuna kumakafwa.

Ezekiel 33:12

Ni yena mwana mutu, amba kuli atu je ngwe, Ululi wa mukwa ululi kuuchi kamupulula muze mavulumuna. Ha kutwala ku ungulungulu wa chingulungulu, kechi kalimbuka nawo nyi makatuka ku ungulungulu wenyi. Chipwe mukwa ululi kechi hahasa kutwama ni mwono mumu ha ululi wenyi ha tangwa lize mavulumuna.

Ezekiel 33:18

Muze mukwa ululi mahichika ululi wenyi nikulinga uhenge maufwila.

Ezekiel 45:20

Munukalinga chimuwika ha tangwa liamuchishimbiali lia kakweji hali mweswawo yoze havulumuna ha kulweza hanji ha kwalajala. Chocho munukakukila tembele.

Zefania 1:6

waze hanalitwamina kukaula Yehova; kafupile Yehova, chipwe kumuhula.

Kwalula 14:22

wano malunga eswe amwene ulemu wami ni yilayi yami yize nalingile mu Engitu ni mu puya, hanangweseka kumi lia yisuho, o kahalakanyine ku liji liami;

Kwalula 14:23

o kechi kamona wate che chifuchi nalakenyene ni shingo kuhana kuli tulamba two, chipwe niumwe wa kuli ayo angunyehwine kechi kachimona.

Kwalula 14:34

Nikulita ni kwalula cha matangwa nwasembwile chifuchi, te makumi awana, ha tangwa mwaka, ha tangwa mwaka, munukambata uhenge wenu, makumi awana a miaka. Munukanyingika kulimuna chami.

1 Samuel 13:13

Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

1 Samuel 15:35

Samuel kejile nawa kumona Saulu ndo ku tangwa lia kufwa chenyi. Alioze Samuel yalinyenga hali Saulu, ni Yehova yalikonyeka ha kupwisa Saulu mwanangana wa Izalele.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.