Jeremia 17:9 - MUKANDA USANDU WA ZAMBI 1975

⁹ Mbunge kuyakwonga kuhiana yuma yeswe, ni kupiha chikolo. Iya mayinyingika?

Mukanda Wa Zambi 1970

⁹ “Iya mahasa kunyingika mbunge ya mutu? Kuyakwonga kuhiana yuma yeswe yikwo. Yili yibi kuhiana, kaahashile kuyiwuka.

Jeremia 17:9 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

2 Samuel 11:15

Yasoneka mu mukanda ngwenyi, Sako Uriya kulutwe mu jita yize yahiana kusasaminya. Mba munumwehuka akamulambe, akafwe.

Miaso (Masamu) 51:5

Pundu angusemene mu uhenge. Mama wangusesekele mu shili.

Miaso (Masamu) 64:7

Alioze, Zambi kumakaasa, makaalemeka ni mwivu susumuku.

Yishima 28:26

Yoze mafuliela mbunge yenyi mwene iye chihepuke; alioze mukwa kwenda ni mana mamupulula.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 1:6

Chize ku chiliato ndo ku mutwe niumwe ungunu kuushiko, alioze yindundwola, ni yilonda, ni mbandu ja kuhita manyinga jize kanda ajipalakenya chipwe kujichika, chipwe kujovulisa ni maji.

Izaya 6:10

Pwisa mbunge ja wano atu ja maji, ni matwi jo akaleme, ni meso jo akafuke, kuchina akamone ni meso jo, akevwe hi matwi jo, akanyingike ni mbunge jo, akalumuke aawuke.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Mateu 13:15

Mumu mbunge ja atu ano hijinapapala, matwi jo kakufulamana ha kwivwa, hanafuku meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, hanji malumuka, ngwahindwise.

Mateu 15:19

Mumu mu mbunge mwakutuhuka manyonga api, ni ungalwe, ni utanji, ni upangala, ni wiji, ni Shindakenyo ya mahuza, ni kushililika.

Marku 2:17

Muze Yesu achivwile, yamba kuli ayo ngwenyi, Waze akutakama keshi kufupa mbuki, alioze waze akuyiza: chejile mukutambika akwa ululi, alioze nejile mukutambika yivulumunyi alikonyeke.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

A-ROMA 7:11

mumu shili, se yinawane unjililo ku shimbi, yangwongele, yangushihile nayo.

Efesu 4:22

Ngwe nukazule mutu mukulu, yoze wakulipihisa nikulita ni usolo wa kwonga, nikulita ni kwenda chenu cha kunyima;

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.