Jeremia 17:8 - MUKANDA USANDU WA ZAMBI 1975

⁸ Aye kanapu ngwe mutondo wa kutumba ku meya, wa kutanda miji ku chitwetwe, kuuchi kwivwa woma muze chivukuminya muchiza, mumu mafwo jawo hindu mapwa a wisu. Kuuchi kulifwita mumu ha changa, mumu kuuchi kulitwamina kwima mihuko.

Mukanda Wa Zambi 1970

⁸ Kali ngwe mutondo wakutumba hehi ni meya, miji yawo yakutanda ndoo ku chitwetwe. Kuuchi kulela muze changa muchiza, mumu mafwo jawo maasala a wisu; kuushi kulela muze vula keshi kunoka; kuushi kulitwamina kwima mihuko.

Jeremia 17:8 Iomraidhean Croise

Jobe 29:19

Miji yami muyitanda ku meya, ni mume ha mitango yami ufuku weswe,

Jobe 8:16

Kakutatuka mu mwalwa; kakutanda mitango kweswe ku munda wenyi.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Yishima 11:28

Yoze Unafuliela upite wenyi kumakalimbuka; alioze mukwa ululi kumakalinduluka ngwe lifwo lia wisu.

Izaya 58:11

Ni Yehova makanusongwela matangwa eswe, ni kunuyukisa ni yuma yipema, ni kutakamisa yifwaha yenu. Kumunukapwa ngwe chala cha kutuchika, ngwe fuji lia meya lize kulichi kuma.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Jeremia 39:18

Mumu pundu mungukulamwina; kuchi kufwa ni katana alioze muzuka mwono we ngwe upite wa jita mumu hiunangufuliela. Chocho kanambe Yehova.

Ezekiel 31:3

Mungukutesa ngwe musedru mu Lebano ni mitango ya tachi ni chihuhumuke cha usaki, ni chizundamo chinene, songo liawo hakachi ka malelwa.

Ezekiel 47:12

Ha mbumbulu, sali ni sali lia lwiji, kumukupwa milali yeswe ya mitondo ya kulia. Mafwo jayo kechi koma, chipwe mihuko* yayo kuyichi kahona, alioze muyikema mihuko ya wisu kakweji ha kakweji, mumu meya jayo anakatuka ku zuwo lisandu. Mihuko yayo muyikapwa ya kulia, ni mafwo jayo makapwa ha kuwuka.