Jeremia 17:6 - MUKANDA USANDU WA ZAMBI 1975

⁶ Aye kanapu ngwe chiputa mu puya, kechi kamona chipema chineza. Kumakatwama mu yihela yumu ya puya, mu chifuchi cha mungwa kuchishi atu.

Mukanda Wa Zambi 1970

⁶ Kali ngwe chibuta cha mu puya, chize chinasoko mu puya ha mavu omu, ha mavu a mungwa haze kuheshi kusoka chimwe chikwo. Mutu yoze keshi kuyuka nichimwe.

Jeremia 17:6 Iomraidhean Croise

1 MIANANGANA 7:2

Henaho kapitau yoze mwanangana wajaminyine ha kwoko lienyi yakumbulula kuli mutu wa Zambi ngwenyi, Chipwe Yehova masa manjanela mwilu muchihasa kupwa chocho? Elisha ngwenyi, Kumukachimona ni meso je, alioze kuchi kalia.

Jobe 20:17

Kechi kamona njiji; ni yitwetwe chipwe mihwiji ya wuchi ni maji a yamwa.

Jobe 39:6

yoze namusele mahio mu puya akatwame mu yana ya mungwa?

Miaso (Masamu) 1:4

Yingulungulu keshi kupwa chocho. O kapwa ngwe yizungu yize yakuhehuka ni fuji.

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Miaso (Masamu) 92:7

Muze yingulungulu masoka ngwe mwambu ni akwa kulinga uhenge mawaha, muchipwa chocho hanga akaonwone cha mutolo.

Izaya 1:30

Mumu yenu munulifwa ni mutondo wa carvalho uze walela mafwo, ngwe jardine yize kuyishi meya.

Jeremia 29:32

kashika munguhana kastigu kuli Shemaia wa ku Nehelama ni kuli waze eswe makasemukina kuli iye, ngwami, Kechi kupwa ni niumwe mukwa mwono hakachi ka vungu lino kumona chipema chize mungulinga kuli atu jami mumu ha kuhanjika yuma ya kukatukila Yehova. Chocho kanambe Yehova.

Jeremia 48:6

Chinenu! Lilamwinenu! Pwenu ngwe chimbulu wa mu puya!

Ezekiel 47:11

Alioze matenga jako ni yitende yako kuyichi kwalumuka yiyema; muyikasala ya mungwa.

Zefania 2:9

Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

Akwa Kuyula 9:45

Apimeleke yasa jita ni akwa chihunda tangwa lieswe. Yatambula che chihunda, yashiha atu eswe apwilemo, yapupa chihunda nikukuwilaho mungwa.