Jeremia 17:4 - MUKANDA USANDU WA ZAMBI 1975

⁴ Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Mukanda Wa Zambi 1970

⁴ Kumunutokesa chifuchi chize nanuhele, kumunulingila akwa kole jenu mu chifuchi chize kunwanyingikine, mumu utenu wami uli ngwe kahia kaze mukalekwoka ku miaka yeswe.”

Jeremia 17:4 Iomraidhean Croise

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

1 MIANANGANA 25:21

Mwanangana wa Babilonia yaalamba, yaashiha mu Ribila mu chifuchi cha Hamate. Chocho yachiza Yunda mu chifuchi chenyi nikumutwala funge.

Nehemia 9:28

Alioze muze hahwima alingile chipi nawa kumeso je, kashika waahichikile mu moko ja akwa kole jo akaayule. Hindu muze ahilukile nikuteta kuli yena mwilu waapanjikile, mba kanji kanji waapulwile nikulita ni keke ye.

Izaya 14:3

Muze Yehova hanuhwimisa ku yikola yenu, ni kulifwita chenu, ni milimo yenu yikalu yize anulingishile,

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Izaya 50:11

Enu eswe, nwakuwika kahia nikulijingilika ni maleka! Endenu mu chite cha kahia kenu ni maleka aze hinwawika. Alioze chuma munutambula ku kwoko liami, munupomba ni chinyengo.

Izaya 66:24

Makatuhuka akatale mijimba ya afu aze angukatukilile. Mumu vuno lio kechi kafwa, ni kahia ko kukechi kajima. Kumakapwa chuma cha kuvwisa lwaji kuli atu eswe.

Jeremia 12:7

Hinehuka zuwo liami, hinambila chihinga chami; hinakunjika mukwa zango lia mbunge yami mu moko ja akwa kole jenyi.

Jeremia 15:14

Mungukutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 2:14

Izalele te kapinji? Te mwana wa ha chihunda? Kuchi te nyi hanalumuka wa kupunda?

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 22:28

Yono lunga Konia kanapu ndeho yimwe yafwa, ya kulelesa, chikwachilo niumwe kachizangile, nyi? Kuchi te iye ni ana jenyi hanaakongo nikwanyasa mu chifuchi kachinyingikine?

Jeremia 5:19

Mba muze atu jenu mamba ngwo, Kuchi te Yehova Zambi yetu hatulinga yino yuma yeswe? Ena muwamba kuli ayo ngwe, Chizechene ngwe yenu hinwangwehuka, hinwalingila mazambi a yilambala mu chifuchi chenu, chochene munukalingila yilambala mu chifuchi hi ni chenu ko.

Jeremia 5:29

Kashika Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe Hapwa ngwe lino nyi?

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Lungungu 5:2

Chihinga chetu hachihana kuli yilambala; mazuwo jetu haahana kuli tundaka.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Ezekiel 7:24

Waze ahiana kupiha hakachi ka mavungu mungwaneha akazuke mazuwo jo. Mungukasulisa tachi jo ja kulengumuka, ni yihela yo yisandu mayijilula.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.