Jeremia 17:3 - MUKANDA USANDU WA ZAMBI 1975

³ ni ha milundu ya mu chana. Yikumba yenu ni upite wenu weswe, ni manangamo je munguhana ya kupunda, yikafwike shili yenu, ndusu chifuchi chenu cheswe.

Mukanda Wa Zambi 1970

³ ni ha milundu ya mu chana. Mungushinjika akwa kole jenu akabube yikumba yenu ni ubite wenu weswe mumu ha milonga yeswe yize hinwalinga mu chifuchi cheswe.

Jeremia 17:3 Iomraidhean Croise

1 MIANANGANA 24:13

Mba yachizako upite weswe wa zuwo lia Yehova, ni wa zuwo lia mwanangana. Yateta yipinji yikwachilo yeswe ya oru yize Solomone mwanangana wa Izalele walingile mu tembele ya Yehova, nikulita ni liji lia Yehova.

Miaso (Masamu) 78:58

Mumu amwihile atenuke ni milundu yo ya kunangama. Amunehenene ukwa tuponya two twa kwola.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 15:13

Yikumba yenu ni upite wenu munguhana wa kupupa, ni ndando yakuhi, mumu ha milonga yenu yeswe ndusu mu chifuchi chenu cheswe.

Jeremia 20:5

Chikwo nawa munguhana upite weswe wa chihunda chino ni kufumbuka chacho cheswe, ni yuma yize ya kupita kanayizange chikolo, ni yuma yilemu ya mianangana ja A-Yunda yeswe munguyihana mu moko ja akwa kole jo, o mayipunda, mayanda, ni kuyitwala ku Babilonia.

Jeremia 21:13

Yehova kanambe ngwenyi, Kunalimika ni yenu nwatwama mu chikulo; enu liwe lia ha chana. Enu nwakwamba ngwenu, Iya mapalumuka kulimika ni yetu? Iya manjila mu mazuwo jetu?

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Ezekiel 16:39

Mungukakukunjika kuli akwa zango lie mba makanunguna zuwo lie ha foro ni kupuzula mazuwo je asuku. Makakuzula mazalo je, makakutambula yuma ye ya uhenya upema ni kukuhichika uselesele kushi mazalo.

Ezekiel 23:46

Mumu Mwene Yehova kanambe ngwenyi, Koka chihuji kulimika no Ukaapwise chuma cha mwongo, chuma cha kupupa.

Ezekiel 6:3

Enu milundu ya Izalele, panjikenu liji lia Mwene Yehova! Mwene Yehova kanambe ku milundu ni mindundena, ku mishitu ni yikulo ngwenyi, Talenu, yami mwene mungukanukokela katana; mungukonwona manangamo jenu.

Alevi 26:30

Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zefania 1:13

Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.