Jeremia 17:27 - MUKANDA USANDU WA ZAMBI 1975

²⁷ Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Mukanda Wa Zambi 1970

²⁷ Alioze angwononokene ni kufunga tangwa lia kuhwima mumu lili lia chijila. Kanda anjila ni yuma yilemu mu yikolo ya Yerusaleme ha tangwa lize, mumu nyi maachilinga, mungwocha yajilo ya Yerusaleme, ni mazuwo ja mianangana mu Yerusaleme, niumwe kechi kahasa kusala mo.”

Jeremia 17:27 Iomraidhean Croise

1 MIANANGANA 22:17

Mumu hanangwehuka; hanochela insensu kuli mazambi akwo eka, akangwihie ngutenuke ni yitanga yeswe ya moko jo. Kashika utenu wami muukasumukina homa hano, mba kuuchikahola.

1 MIANANGANA 25:9

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

2 Sango Ja Mianangana 36:19

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.

Miaso (Masamu) 122:7

Sambukila yikatwame muchima lia yipanga ye. Kutwama kanawa chikatwame mu mazuwo je a mianangana.

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Izaya 1:31

Mukwa tachi malumuka ngwe uhu, ni milimo yenyi muyipwa leka lia kahia, yeswe ni yiali muyiwema hamuwika, ni yoze mayijima wakuhi.

Jeremia 17:24

Alioze Yehova kanambe ngwenyi, Nyi munupanjika kuli yami, kunuchi kunjishila chiteli nichimwe ha Sambata ku yikolo yino mu chihunda chino, alioze munufunga Sambata tangwa lisandu, ni kulingaho milimo niyimwe,

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 18:1

Liji liejile kuli Jeremia lia kuli Yehova ngwenyi,

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 22:5

Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 44:16

Ha kutwala ku liji lino watwaha mu jina lia Yehova, kutuchi kukupanjika.

Jeremia 49:27

Mungukawika kahia mu chipanga cha Ndamaseku; makalalisa mazuwo ja Mbene-Hadade.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 2:6

Hanapuzula chisakila chenyi ngwe chimwe cha kutunga ku naka. Hanapwisa ngundu chihela chenyi cha yiwanyino ya kufunjika. Mu Zaione Yehova hanasulisa yiwanyino ya kufunjika ni masambata. Mu matoto jenyi asasu hanambila ni mwanangana ni sasendote.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 16:41

Makocha mazuwo je nikukulinga upatwilo kumeso ja mapwo anji. Mungukamanyisa ndako je ja ukoi; kuchi kafweta nawa malunga.

Ezekiel 21:15

Hanga mbunge jo jikasangunuke ni anji akalimbuke ku yikolo yo yeswe, hinaaha katana wa kulejima, mama! Kapwa ngwe njaji; kapwa wa kucheka ha kuhana.

Ezekiel 21:3

ukambe ku chifuchi cha Izalele ngwe, Yehova kanambe ngwenyi, Nyingikenu, kunalimika ni yenu, kashika mungukatomona katana kami mu chindalo chenyi ngukateteho hakachi kenu ni mukwa ululi ni chingulungulu.

Ezekiel 22:8

Hiwalelesa yuma yami yisandu, hiwajilula masambata jami.

Ezekiel 23:38

Chikwo nawa hangulinga, tangwa limuwika hachisa zuwo liami lisandu ni kujilula masambata jami.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Amose 1:10

Chocho mungutuma kahia ha chipanga cha Teru, mba mukalalisa mbonge jako.

Amose 1:12

Chocho mungutuma kahia ku Temane, mba mukalalisa mbonge ja Mbozera.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Amose 1:4

Kashika mungutuma kahia ku zuwo lia Hazaele mba mukalalisa mbonge ja Mbene-Hadade.

Amose 1:7

Chocho mungutuma kahia ha chipanga cha Ngeza mba mukalalisa mbonge jako.

Amose 2:2

Chocho mungutuma kahia ha Moape mukalalisa mbonge ja Keriote, mba Moape makafwa ni Chizungozungo, ni kukalumioka ni liji lia chitavwi.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu: