Jeremia 17:26 - MUKANDA USANDU WA ZAMBI 1975

²⁶ Ni atu makakatuka ku yihunda ya Yunda, ni yihunda ya kujingilika Yerusaleme, ni ku chifuchi cha Mbenjamine, ku Shefela, ku chifuchi cha ku milundu, ni ku Negeve nikuneha milambu ya kulumba, ni yitapo, ni milambu ya wunga, ni libano, nikuneha milambu ya kusakwila ku zuwo lia Yehova.

Mukanda Wa Zambi 1970

²⁶ Atu maakeza a ku membo ja Ayuda ni a ku yihunda yize yajingilika Yerusaleme. Maakeza ni a ku chifuchi cha Benjamine, ni a ku mindundena, ni a ku milundu, ni a ku sude mu Yuda. Kumaakaneha milambu ya kwocha ni yawana, ni milambu ya mbuto ni ya maji a vumba libema, ni milambu ya kusakwila.

Jeremia 17:26 Iomraidhean Croise

Ezra 3:11

Yemba umwe kuli mukwo ni mukwo uhaliso ni kusakwila kuli Yehova ngwo, Mumu iye mupema, Mumu utu wa zango lienyi kuli Izalele wa mutolo. Mba muze hahalisa Yehova atu eswe yakololoka ni liji linene mumu fundamentu ya zuwo lia Yehova hayisa.

Miaso (Masamu) 107:22

Amutambule yitapo ya kusakwila. Akambulule yitanga yenyi ni miaso.

Miaso (Masamu) 116:17

Munguhana kuli yena mulambu wa kusakwila. Mungusanyika ha jina lia Yehova.

Miaso (Masamu) 66:13

Mungunjila mu zuwo lie ni milambu ya kulumba. Mungukufweta yilakenyo yami,

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Jeremia 32:44

Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Jeremia 33:13

Mu yihunda ya ku milundu, mu yihunda ya mu Shefela, ni mu yihunda ya Negeve, mu chifuchi cha Mbenjamine, ni mu yihela ya kujingilika Yerusaleme, ni mu yihunda ya Yunda, yimuna kumakapalika nawa kushi lia moko ja mukwa kwaalula. Chocho kanambe Yehova.

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

Hebreu 13:15

Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;