Jeremia 17:25 - MUKANDA USANDU WA ZAMBI 1975

²⁵ nyi chocho mba kumukunjilila ku yikolo ya chihunda chino, mianangana akwa kutwama ha ngunja ya David, nikwenda mu matemba ni ha tuvwalu, o ni alemu jo, malunga a Yunda, ni akwa Yerusaleme, mba chihunda chino kumuchikapwa ni atu ndo ku miaka.

Mukanda Wa Zambi 1970

²⁵ Hohene mianangana jo ni miata jo maanjila mu yikolo ya Yerusaleme, mba maabwa ni tachi ja wanangana jize abwile najo David. Ayo hamwe ni Ayuda ni akwa Yerusaleme meendela ha matemba ni ha tuvwalu, limbo lino mulikazala ni atu matangwa eswe.

Jeremia 17:25 Iomraidhean Croise

2 Samuel 7:16

Zuwo lie ni wanangana we muyikakola kumeso je ku miaka yeswe. Ngunja ye kumuyikakola ya mutolo.

2 Samuel 8:4

David yatambula kuli iye kanunu ka akwa tuvwalu ni kulakaji shimbiali a akwa tuvwalu, ni makumi aali a tununu a maswalale a kwenda hashi. Tuvwalu eswe a matemba-a-jita David yaateta mijipa, yafunga tuvwalu kukoka kulakaji lia matemba-a-jita.

Kutuhuka 12:14

Lino tangwa likapwe kuli yenu Chiwulwiso, lia kufunga chiwanyino cha Yehova. Ndusu yisemuko yenu munufunga chiwanyino chikapwe shimbi ya mutolo.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 13:13

Mba yena muwamba kuli ayo ngwe, Yehova kanambe ngwenyi, Kumungukazalisa akwa chifuchi chino eswe ni kuzengewa, chipwe mianangana waze anatwama ha ngunja ya David, chipwe asasendote, chipwe aprofeta ni waze eswe atwama mu Yerusaleme.

Jeremia 22:2

Ena mwanangana wa Yunda, watwama ha ngunja ya David, ivwa liji lia Yehova, hamwe ni tuvumbi twe, ni atu je aze akunjila ku yikolo yino.

Jeremia 22:30

Yehova kanambe ngwenyi, Soneka lunga yono ngwe keshi mwana; lunga umwe kechi kawaha ha matangwa jenyi. Mumu niumwe wa ana jenyi makawaha nikutwama ha ngunja ya David, nikuyula nawa mu Yunda.

Jeremia 22:4

Mumu nyi munwononoka pundu ku liji lino, mba mianangana akutwama ha ngunja ya David makanjila ku yikolo ya zuwo lino nikwenda mu matemba ni hali tuvwalu, o ni tuvumbi two ni atu jo.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 33:15

Ha matangwa aze ha mwaka uze mungusokesa Mutango wa ululi hali David. Iye kumakalinga ululi ni kulita mu chifuchi.

Jeremia 33:17

Mumu Yehova kanambe ngwenyi, David kechi kahona lunga kutwama ha ngunja ya munyachi wa Izalele,

Jeremia 33:21

nyi chocho, ni usendo wami ni David muutá kuushiha hanga kechi kapwa ni mwana wa lunga kutwama ha ngunja yenyi, ni usendo wami ni tuvumbi twami asasendote ja Levi.

Jeremia 7:3

Yehova-wa-Tujita mwe Zambi ya Izalele ngwenyi, Pemesenu majila jenu ni yitanga yenu, mba mungunutayiza kutwama kuma kuno.

Jeremia 7:7

nyi munu linga chocho mba mungunutayiza kutwama muma muno, mu chifuchi chize nahanyine ha shakulu kuli tulamba twenu ha miaka yeswe.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.

Hebreu 12:22

Alioze yenu hinuneza ku mulundu wa Zaione, ni ku limbo lia Zambi ya mwono, Yerusaleme ya mwilu; ni ku yizavu yinji ya angelo;

1 Samuel 8:11

Ngwenyi, Chocho mapwa mwanangana yoze manuyula. Makwata anenu a malunga nikwasela ku matemba jenyi a jita, ni kupwa akwa tuvwalu twenyi akazomboke kulutwe lia matemba jenyi.