Jeremia 17:22 - MUKANDA USANDU WA ZAMBI 1975

²² Kanda numbata chiteli nichimwe chize ku mazuwo jenu ha tangwa lia Sambata, hanji kulinga milimo yimwe. Alioze fungenu Sambata tangwa lisandu, ngwe natumine tulamba twenu.

Mukanda Wa Zambi 1970

²² hanji kwanda chimwe Chuma ku mazuwo jenu ni kuchitwala kweka ha tangwa lia kuhwima. Kanda alinga milimo ha tangwa lia kuhwima; alifunge mumu lili tangwa lia chijila, ngwe chize nalwezele tushakulu two.

Jeremia 17:22 Iomraidhean Croise

Nehemia 13:15

Ha matangwa aze yingumona mu Yunda amwe akwa kuliachila uva ha tangwa lia Sambata, ni kucha yichita ya mbuto, nikuyitwika hali yimbulu, hamwe ni vinyu, ni uva, ni makuyu, ni yiteli yeka ni yeka, nikuyineha mu Yerusaleme ha tangwa lia Sambata. Yingwashindakenyacho ha tangwa lize alanjishile kulia.

Kutuhuka 23:12

Ha matangwa asambano ukalinge milimo ye. Ha tangwa liamuchishimbiali hikuhwima, ni ngombe ye, ni chimbulu che akahwime, hanga mwana wa ndungo ye wa pwo ni njize akasanguluke.

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Jeremia 17:24

Alioze Yehova kanambe ngwenyi, Nyi munupanjika kuli yami, kunuchi kunjishila chiteli nichimwe ha Sambata ku yikolo yino mu chihunda chino, alioze munufunga Sambata tangwa lisandu, ni kulingaho milimo niyimwe,

Ezekiel 20:12

Chikwo nawa naahele masambata jami akapwe yilayi hakachi ka yami ni ayo akanyingike yami Yehova nakwasela ku usandu.

Ezekiel 22:8

Hiwalelesa yuma yami yisandu, hiwajilula masambata jami.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 23:3

munulinga milimo ha matangwa asambano alioze liamuchishimbiali mulipwa Sambata yilemu ya kuhwima. Munupwa ni chikungulwila chisandu, kanda nulinga milimo niyimwe mumu muyipwa Sambata ya Yehova kweswako munutwama.

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Luka 23:56

O ahilukile, alulikile mbuto ya vumba lipema ni yitumbo yipema ya kukwita. Ha tangwa lia Sambata anamine nikulita ni liji lia shimbi.

Luka 6:5

Iye wambile kuli ayo ngwenyi, Mwe Mwana Mutu iye mwenya Sambata nawa.

Usolwelo 1:10

Napwile mu Spiritu ha tangwa lia Mwene, nevwile kunyima yami liji linene, ngwe lia chitavwi,