Jeremia 17:20 - MUKANDA USANDU WA ZAMBI 1975

²⁰ wambe ngwe, Enu mianangana ja Yunda, ni atu eswe ja Yunda, ni atu eswe a mu Yerusaleme, nwakunjilanjila ku yikolo yino, ivwenu lie liji lia Yehova.

Mukanda Wa Zambi 1970

²⁰ Lweza mianangana ja Ayuda ni atu eswe waze atwama mu Yerusaleme, waze akunjilila mu yikolo yino, abanjike yize ngunahanjika.

Jeremia 17:20 Iomraidhean Croise

Jeremia 13:18

Amba kuli mwanangana ni naye ngwe, Likehesenu, twamenu hashi, mumu yipangula yenu ya uhenya muyikatuka ha mitwe yenu.

Jeremia 17:19

Yehova wambile chino kuli yami ngwenyi, Yako umane mu chikolo cha Mbenjamine, kuze mianangana ja Yunda kakunjilila, kakutuhukila, ni mu yikolo yeswe ya Yerusaleme,

Jeremia 19:3

Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 21:11

Ku munyachi wa mwanangana wa Yunda amba ngwe, Ivwenu liji lia Yehova,

Jeremia 22:2

Ena mwanangana wa Yunda, watwama ha ngunja ya David, ivwa liji lia Yehova, hamwe ni tuvumbi twe, ni atu je aze akunjila ku yikolo yino.

Ezekiel 2:7

Muhanjika maliji jami kuli ayo, chipwe mevwa, chipwe kasolo kwivwa, mumu kapwa munyachi wa yihulia.

Ezekiel 3:17

Mwana mutu, hinakupwisa kalayi kuli akwa munyachi wa Izalele. Muze muwivwa liji limwe ku kanwa liami, mukangutowezelo.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Mika 3:1

Yingwamba ngwami, Ivwenu, enu akwa lutwe mu Yakomba, akwa kuyula mu munyachi wa Izalele! Te kuchanutambile kunyingika upatwilo wa kulita?

Usolwelo 2:29

Yoze uli ni matwi, evwe chize anambe Spiritu ku yikungulwila.