Jeremia 17:2 - MUKANDA USANDU WA ZAMBI 1975

² shimbu ana jo anewuluka yilumbilo yo, ni Ashera jo, ku mutondo weswe wa wisu ni ha milundu yisuku,

Mukanda Wa Zambi 1970

² Atu jenu kaakuwayila ku yilumbilo ya ku miyombo ya zambi wa pwo Ashera, ni ku mutondo weswe wa wisu, ni ha mindundena,

Jeremia 17:2 Iomraidhean Croise

2 Sango Ja Mianangana 24:18

O yehuka zuwo lia Yehova Zambi ya tulamba two; yalingila Ashera ni tuponya. Kashika yikwiza ufwatulo hali A-Yunda ni A-Yerusaleme mumu ha uno mulonga wo.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 33:3

Mumu watungulwile manangamo aze tato Hezekia wapuzwile. Yatunga nawa yilumbilo ya Ambale; yatunga nawa Ashera nikuwayila mbunga yeswe ya mwilu nikwalingila.

Miaso (Masamu) 78:58

Mumu amwihile atenuke ni milundu yo ya kunangama. Amunehenene ukwa tuponya two twa kwola.

Kutuhuka 34:13

Alioze ukapuzule yilumbilo yo, Ukapalwole yipinji tuponya two, ukapakule Ashera yo.

Izaya 1:29

Mumu munuvwila sonyi mitondo yize ya carvalho yize nwawahililile nayo; sonyi mujinujimbisa mitwe mumu ha jardine jize hinwatongola.

Izaya 17:8

Kechi kanyonga nawa yilumbilo yize ya kulinga ni moko jo; kechi katala ku yuma yize ya kulinga ni minwe yo, chipwe Ashera hanji yilumbilo ya insensu.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 3:23

Pundu mindundena yinapu ya kutwonga ni mizumbu ya ha milundu. Pundu, ulamwino wa Izalele uli muli Yehova Zambi yetu.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Shimbi 12:2

Chamwenemwene nukonwone yihela yeswe mavungu munwahuma avumbikilileho tuzambi two, ni ha milundu yisuku ni ha milundu ni ku mitondo yeswe ya wisu.

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.