Jeremia 17:18 - MUKANDA USANDU WA ZAMBI 1975

¹⁸ Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Mukanda Wa Zambi 1970

¹⁸ Mwene Zambi vwisa sonyi waze akunguhungumiona, alioze yami ka. Evwise mwongo, alioze yami ka. Amwese lamba, abatwole yipinji yipinyi.

Jeremia 17:18 Iomraidhean Croise

Jobe 16:14

Kanangulokola ni mbandu jinji; kanangulundumukina ngwe kajita.

Miaso (Masamu) 35:4

Waze akufupa mwono wami akevwe sonyi, akasauke. Waze akutaka kungulemeka achinduluke, akachingashane.

Miaso (Masamu) 35:8

Kwonwona chikamutungumune. Mwene akafwe mu wanda uze aswekele. Aholokelemo nikulionwona.

Miaso (Masamu) 40:14

Waze eswe akufupa mwono wami kuwonwona akevwe sonyi, alitupieke hamuwika. Akachinduluke, akasauke, waze akuwahilila ha yikola yami.

Miaso (Masamu) 70:2

Waze akufupa mwono wami akevwe sonyi, alitupieke. Ukaahilwise kunyima, ukaalelese waze akuwahilila ha yikola yami.

Miaso (Masamu) 71:1

Muli yena Yehova nasela Ufulielo wami; kanda uatayiza kungukolesa sonyi nilimwe tangwa.

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Jeremia 11:20

Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Jeremia 12:3

Alioze yena Yehova unangunymgika. Unangumono, nikweseka manyonga jami ha kutwala kuli yena. Watukule ngwe mapanga a kuya ku chishihilo, ukaatulike ha tangwa lia kushiha.

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 17:13

Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Jeremia 17:16

Chakushinjikile kutuma chipi, chazangile tangwa lia huli, yena unachinyingika. Yize yeswe yatuhukile mu kanwa liami kwe kumeso je nayambile.

Jeremia 17:19

Yehova wambile chino kuli yami ngwenyi, Yako umane mu chikolo cha Mbenjamine, kuze mianangana ja Yunda kakunjilila, kakutuhukila, ni mu yikolo yeswe ya Yerusaleme,

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Shimbi 33:11

Yehova, wahisa kama yikumba yenyi. Tambula kanawa yitanga ya moko jenyi. Wonda kama miongo ya akwa kulimika nenyi, ni ya akwa kole jenyi, kanda ahinduka nawa.

Usolwelo 18:6

Mufwetenu chizechene ngwe hanafwetesa, ni yisuho yiali, nikulita ni yitanga yenyi; mu musenge uze hanauchinge, muchingilenu yisuho yiali.