Jeremia 17:17 - MUKANDA USANDU WA ZAMBI 1975

¹⁷ Kanda upwa wa mwongo kuli yami, mumu uli chiswamo chami ha tangwa lipi.

Mukanda Wa Zambi 1970

¹⁷ Kanda unguvwisa mwongo; mumu yena uli chiswamo chami ha matangwa a lamba.

Jeremia 17:17 Iomraidhean Croise

Jobe 31:23

Mumu nevwile woma wa lamba lia kuli Zambi, te chichi kuhasa kutala ku uhenya wa wanangana wenyi.

Miaso (Masamu) 41:1

Kawaha yoze wakunyonga yiswale. Yehova kumakamupulula ha tangwa lipi.

Miaso (Masamu) 59:16

Alioze yami mungwimbila tachi je, ewa, ni liji linene mungwimbila utu wa zango lie chichamene. Mumu wapwa kaposhi kami, kanda ngwe chiswamo ha tangwa lia luyinda wami.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 17:13

Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Jeremia 17:7

Kawaha mukwa kufuliela Yehova, kanajikijila hali Yehova.

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Nahume 1:7

Yehova iye mupema; ha tangwa lia lamba kapwa ngwe chihunda cha kukolesa; kananyingika waze akuswamina muli iye.

Efesu 6:13

Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú.