Jeremia 17:13 - MUKANDA USANDU WA ZAMBI 1975

¹³ Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Mukanda Wa Zambi 1970

¹³ Mwene Zambi yena uli yoze Aisraele asa mbunge. Eswe waze akukwehuka kumeevwa sonyi. Kumaakatoka ngwe majina waze haanasoneka mu fufuta, mumu haanangwehuka, Yena Mwene Zambi, shima lia meya akekema.

Jeremia 17:13 Iomraidhean Croise

Miaso (Masamu) 22:4

Akaka akufulielele. O afulielele ni yena waapulwile.

Miaso (Masamu) 69:29

Alioze nguli chiswale kanda mukwa chinyengo. Zambi! Ulamwino we ukangunangamise.

Miaso (Masamu) 71:5

Mumu yena Yehova Mwene uli kutalatala chami. Nakujikijila kuli yena chize ku wanuke wami.

Miaso (Masamu) 73:27

Mumu waze ali kusuku ni yena kumakanonga. Wakwonwona waze eswe akukwehuka ngwe ni ukoi.

Miaso (Masamu) 97:7

Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

Yishima 10:7

Kwiwuluka mukwa ululi kuwahacho, alioze jina lia chingulungulu kumulikapola.

Yishima 14:14

Mukwa kuhenga mu mbunge makalia mihuko ya ndako jenyi; mutu mupema makaliwahisa mwene.

Izaya 1:28

Alioze akwa kukolema ni yivulumunyi maonwona hamuwika, ni akwa kwehuka Yehova maanongesa.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Jeremia 14:8

Ena, kutalatala cha Izalele, chilamwina cho ha tangwa lia lamba, kuchi te unapu ngwe chilambala mu chifuchi, ngwe ngeji yoze majingako akapombe ufuku umuwika?

Jeremia 17:17

Kanda upwa wa mwongo kuli yami, mumu uli chiswamo chami ha tangwa lipi.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 17:5

Yehova kanambe ngwenyi, Kashingiwa mutu yoze unafuliela mutu, kakutenga atu a musunya kwoko lienyi, mbunge yenyi yakutewuluka kuli Yehova.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 50:7

Waze eswe haawana haalia, ni akwa kole jo hanambe ngwo, Etu kutushi mutonga, mumu hanavulumuna Yehova, kuma kwo kwamwenemwene kwa kutwama, mwe Yehova kutalatala wa tulamba two.

Ezekiel 13:9

Kwoko liami mulikalimika ni aprofeta aze akumona usolwelo wa kulionga ni waze akutaha ni mahuza. Kechi katwama mu punga ya atu jami; kechi kaasoneka mu mukanda wa munyachi wa A-Izalele, chipwe kunjila mu chifuchi cha A-Izalele; mba munukanyingika yami nguli Mwene Yehova.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Ezekiel 36:32

Mwene Yehova kanambe ngwenyi, Nyingikenu kanawa, chalingile yino yuma ha mukunda wa yenu. Ivwenu sonyi nukalitupieke mumu ha ndako jenu, enu akwa munyachi wa Izalele.

Daniel 12:2

Anji a waze akupomba tulo mu mavu a hashi kumakahinduka, amwe ku mwono wa mutolo, amwe ku sonyi ni sau lia mutolo.

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Zakaria 9:12

Enu funge nwakutalatala, hilukenu kuma kwenu kwa tachi. Musono ngunanulweze ngwami, Mungukanukundulula yisuho yiali.

Luka 10:20

Hindu kanda nukawahilila ha chino ngwe maspiritu kakunuzeyela; alioze Shinaho wahililenu mumu majina jenu kanasonewa mwilu.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

Yoano 4:14

alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo.

Yilinga 28:20

Kashika ha chikuma chino hinanutambika nwize kuli yami, ngunumone, nguhanjike ni yenu: mumu ha kutalatala cha akwa Izalele ngunakashiwa ni lenge lino.

1 Timoteu 1:1

Yami Paulu, postolo wa Yesu Kristu, nikulita ni chiyulo cha Zambi Chilamwina chetu, ni cha Kristu Yesu, iye kutalatala chetu;

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 21:6

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.

Usolwelo 22:1

Mba wangulwezele lwiji wa meya a mwono, wa kutemuka ngwe kristale, kanatuhuka mu ngunja ya Zambi ni mwe Mwana-panga.

Usolwelo 22:17

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.

Usolwelo 7:17

Mumu mwe Mwana-panga yoze uli mukachi ka ngunja kumapwa kafunga ko, maasongwela ku mafuji ja meya a mwono: Zambi makusumuna masoji eswe ku meso jo.