Jeremia 17:11 - MUKANDA USANDU WA ZAMBI 1975

¹¹ Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Mukanda Wa Zambi 1970

¹¹ Mutu yoze wakufumbula ubite ni uhenge, kali ngwe kajila yoze unautamina monda waze kombile ko. Makatokesa ubite wenyi muze te achili ni tachi, ku songo makabwa lume chihepuke.

Jeremia 17:11 Iomraidhean Croise

Jobe 20:21

Ha kulia kahichikile nichimwe; kashika kufumbuka chenyi kuchichi kulinduluka.

Miaso (Masamu) 49:13

Yino jila yo yapwa uhepuke wo, hindu kulutwe atu matayiza yambo yo.(Litulike.)

Miaso (Masamu) 55:23

Alioze yena Zambi kumukaalundumwina mu jondo ya kwonwona. Malunga a kumwanga manyinga ni kwonga kechi kuheta hakachi ka matangwa jo. Hindu yami mungukufuliela.

Yishima 13:11

Upite wa kutambula ku milimo ya kulifuza muukatepuluka; alioze yoze kakupita ku kuhondangana chenyi kumakaliwezela.

Yishima 15:27

Mukwa chipululu kakupinjisa zuwo lienyi mwene; alioze yoze keshi kuzanga yawana matwama ni mwono.

Yishima 21:6

Kuzuka upite ni limi lia mahuza chapwa ngwe chishichishi chize chinahehuka; waze akuchifupa analikokela kufwa.

Yishima 23:5

Musela meso je ku chuma chize kuchishiko, nyi? Mumu chamwenemwene upite wakulisokela mapulwa. Wapwa ngwe pupa yoze wakuhumuka kwilu.

Yishima 28:16

Mwanangana yoze keshi malinjekela mapwa mukwa kupinjisa nawa; alioze yoze kazangile chipululu masuhisa matangwa jenyi.

Yishima 28:20

Mukwa jika mapwa ni yiwape ya kulumbama; alioze yoze malipupwisa kupwa pichi kechi kasamba.

Yishima 28:22

Yoze uli ni liso lipi mahanga upite fujifuji; kanyingikine ngwenyi, Uswale muunguwana.

Yishima 28:8

Mweswe mokesa upite wenyi ha kufwetesa mbwezo ni kufutukila, kakuufunga hali yoze mavwila keke yiswale.

Jeremia 22:13

Lamba kuli yoze matunga zuwo lienyi ni uhenge, ni yipatulo yenyi ya kwilu ni upatwilo uze kuwalitele. Yoze wakulingisa mwenyembo wenyi milimo yawana, kamuhele fweto yenyi.

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Mika 2:9

Mapwo ja atu jami nwakwahuma ku mazuwo jo apema. Nwakuchiza uhenya wami kuli ana jo akepe ndo ku miaka yeswe.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Zefania 1:9

Ha tangwa lize mungulamba kastigu mweswe mukwa kutumbuka chikuli ni waze akuzalisa mazuwo ja akako ni upupilo ni wiji.

Zakaria 5:4

Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

1 Timoteu 6:9

Alioze waze mazanga kupwa pichi, malimbuka mu cheseko, ni mu muheto, ni mu usolo wunji wa kuhulama ni wa kulemeka, uze kuwakushimbamisa atu mu kwenyeka ni mu kwonwona.

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.