Jeremia 17:10 - MUKANDA USANDU WA ZAMBI 1975

¹⁰ Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Mukanda Wa Zambi 1970

¹⁰ Yami, Mwene Zambi, nakushishika manyonga ja atu ni kweseka mbunge jo. Nakulinga kuli mutu mweswe nikulita ni ndako yenyi, nikulita ni chize akulinga.”

Jeremia 17:10 Iomraidhean Croise

1 Yitanga Ya Mianangana 8:39

hipanjika yena mwilu watwama ukaakonekene, ukalinge ni kuhana kuli mutu mweswe nikulita ni ndako jenyi jeswe, mbunge yenyi, unanyingika (mumu yena wika ukawe unanyingika mbunge ja ana ja atu eswe)

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

2 Sango Ja Mianangana 6:30

hipanjika yena mwilu watwama ukaakonekene, ni kuhana kuli mutu mweswe nikulita ni ndako jenyi jeswe, mbunge yenyi unanyingika; (mumu yena wika ukawe unanyingika mbunge ja ana ja atu eswe)

Jobe 34:11

Makafweta kuli mutu nikulita ni milimo yenyi. Mutu makamona nikulita ni ndako jenyi.

Miaso (Masamu) 44:21

Kachi Zambi kachinyingikishine nyi? Mumu iye kananyingika yuma yeswe ya kuhengama mu mbunge.

Miaso (Masamu) 44:22

Alioze hali yena kakutushila tangwa lieswe nganganga; kakutufunjika ngwe mapanga aze maashiha.

Miaso (Masamu) 62:12

Chikwo nawa, utu wa zango wapwa wa mbala wa yena mwe Mwene, mumu wakuhana kuli mutu mweswe nikulita ni milimo yenyi.

Miaso (Masamu) 7:10

Lukepwe wami wa kuli Zambi, yoze wakulamwina waze analulama mu mbunge.

Miaso (Masamu) 7:9

We ungulungulu wa yingulungulu ukahwe lume, alioze jikijisa mwe mukwa ululi; mumu mwe Zambi ya ululi kakweseka kunyonga cheswe cha mbunge.

Yishima 12:14

Ku mihuko ya kanwa lienyi mutu makayuka ni yipema; makakundulula kuli mutu mweswe yitanga ya moko jenyi.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Izaya 59:18

Makaafwetesa nikulita ni yitanga yo, ufwatulo kuli akwa kulimika nenyi, fweto kuli akwa kole jenyi. Kuli akwa mbaka mahana fweto yo.

Jeremia 11:20

Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Jeremia 12:13

Hakuwa tiliku alioze hacha mbimbo, halivwisa yikola alioze kufumbuka chakuhi, mihuko yenu munuyivwila sonyi, mumu ha utenu usasu wa Yehova.

Jeremia 20:12

Yehova-wa-Tujita, yena wakweseka akwa ululi, Wakumona mbunge ni manyonga. Ngumone kama chize mwafwetesa, mumu hanakunjika chikuma chami kuli yena.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 23:2

Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Ezekiel 11:5

Mba Spiritu ya Yehova yahulumuka hali yami. Yangwamba ngwenyi, Amba ngwe, Yehova kanambe ngwenyi, Enu akwa munyachi wa Izalele, kumanyi nunanyongo chocho. Mumu yami ngunanyingika yuma yize yapalika mu manyonga jenu.

Ezekiel 14:5

hanga ngukakwate ku mbunge ja akwa munyachi wa Izalele, waze eswe hanalumuka kuli yami ngwe ngeji, ha mukunda wa mahamba jo.

Mika 7:13

Alioze hashi muhapwa ha kwenyeka ha mukunda wa enyaho mumu ha mihuko ya yitanga yo.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 6:4

hanga kuhana che chikapwe ku tenga: ni Tatenu yoze wakumona ku tenga, kumakakukundulula.

Yoano 2:25

kafupile umwe ashindakenye hali atu; mumu iye mwene wanyingikine chize chili muli atu.

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

A-ROMA 6:21

Mba mihuko yika nwapwile nayo ha mwaka uze ku yuma yize haliapwila nunayivwila sonyi? Mumu songo lia yuma yize kufwa.

A-ROMA 8:27

alioze yoze wakuhengula mu mbunge, kakunyingika chize chapwa kunyonga cha Spiritu, mumu kakuhakwila asandu nikulita ni upale wa Zambi.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

Usolwelo 20:12

Namwene afu, anene ni akepe, kanamana kulutwe lia ngunja; apakwile mikanda, mba apakwile mukanda ukwo, uze wa mwono: apatwilile afu ku yuma yize yasonewene mu mikanda, nikulita ni yitanga yo.

Usolwelo 22:12

Talenu, nguneza nikawashi; ni kwononona chami chili hamwe ni yami, mukuhana kuli mweswe nikulita ngwe chitanga chenyi muchipwa.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.