Jeremia 17:1 - MUKANDA USANDU WA ZAMBI 1975

¹ Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Mukanda Wa Zambi 1970

¹ Mwene Zambi kanambe ngwenyi: “Yenu Ayuda, shili yenu hanayisoneka ni sonekeso ya utale; hanayolo ni liama ha mbunge jenu ni ha mbinga ja yilumbilo yenu.

Jeremia 17:1 Iomraidhean Croise

Yishima 3:3

Kanda utayiza utu wa zango ni umwenemwene kukukatuka. Ukayikashile ku kota ye, nikuyisoneka ha mbunge ye.

Yishima 7:3

Uyikashile ha minwe ye; uyisonekene ha mbunge ye.

Izaya 49:16

Tala, hinakwola ha mbanda-moko. Yipanga ye ya mawe kumeso jami yili matangwa eswe.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 2:22

Chipwe musana ni soda ni sabau yinji hindu luchisa wa uhie we kwali kumeso jami. Chocho kanambe Mwene Yehova.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 8:11

Mumu Eframe hanokesa yilumbilo ya kuvulumuna, hiyalumuka kuli iye yilumbilo ya shili.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Zakaria 7:12

Yapwisa mbunge jo jikalu ngwe diamante kuchina mevwa shimbi ni maliji aze Yehova-wa-Tujita watumine ni Spiritu yenyi kuli aprofeta a kushi. Kashika ufwatulo unene wejile wa kuli Yehova-wa-Tujita.

2 Korintu 3:3

chinasoloka ngwe nuli mukanda wa Kristu, wa kulinga kuli yetu, kuunasonewa hi ni ulombo ko, alioze ni Spiritu ya Zambi ya mwono; hi ha mawe ko, alioze ha mbunge ja musunya.