Jeremia 16:4 - MUKANDA USANDU WA ZAMBI 1975

⁴ Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Mukanda Wa Zambi 1970

⁴ Kumaafwa ni musongo ubi, mutu niumwe kechi kwalila hanji kwafunda. Mijimba yo maayilumbika yingina hashi ngwe pinga. Kumaafwa ni jita ni zala; mijimba yo muyibwa kulia cha tujila ni tushitu a mu yambu.

Jeremia 16:4 Iomraidhean Croise

1 MIANANGANA 9:10

Tuwa kumalia Jezebele mu chihela cha Yezerele. Mukwa kumufunda kechi kusoloka. Mba yazulula pito, yachina.

Miaso (Masamu) 78:64

Asasendote afwile ku katana; tuliwa jo kalilile mbimbi.

Miaso (Masamu) 83:10

Anongene ku Endore. Alumukine ngwe wilo wa kusa ha mavu.

Izaya 18:6

Eswe maahichika hali tujila akulia yifwo mu milundu, ni hali tushitu a mu yambu. Tujila akulia yifwo matwamaho ha mwaka wa chivukuminya, tushitu a mu yambu matwamaho ha mwaka wa chishika.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 21:6

Mungulamba akwa chihunda chino, ni atu ni tushitu, kumafwa ni chilungo chinene.

Jeremia 25:33

Waze maashiha kuli Yehova ha tangwa lize mapwa chize ku songo limwe lia hashi ndo ku songo likwo. Kechi kaalila, chipwe kwakunga, chipwe kwafunda, alioze mapwa ngwe wilo ha mavu.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Jeremia 34:20

mungwakunjika kuli akwa kole jo ni kuli waze anazange kwashiha. Mijimba yo muyipwa kulia kuli tujila a mu tetela ni kuli tushitu a mu yambu.

Jeremia 36:30

Kashika ha kutwala kuli Jehoakime mwanangana wa Yunda Yehova kanambe ngwenyi, Kechi kupwa ni mutu kutwama ha ngunja ya David; chikwo nawa mujimba wenyi wa kufwa makaumbila ha chivukuminya cha mwalwa ni chishika cha ufuku.

Jeremia 44:12

Mungutambula masalila ja A-Yunda wano hasa meso jo kwiza kutwama mu chifuchi cha Engitu mba eswe makakuwa. Mwe mu chifuchi cha Engitu makalimbuka. Makakuwa ni katana ni kapunga. Chize kuli mukepe ndo kuli munene eswe kumakakuwa ni katana ni kapunga; kumakalumuka sau, ni chuma cha mwongo, ni shingo, ni luchoko.

Jeremia 44:27

Pundu, ngunatale kuli ayo kwalinga yikalu, hi yipema ko. A-Yunda eswe waze ali mu chifuchi cha Engitu makakuwa ni katana ni kapunga ndo makahwa lume.

Jeremia 7:33

Mijimba ya afu ja vungu lino muyipwa kulia kuli tujila a mu tetela, ni kuli tushitu a mu yambu, ni kukuchi kupwa akwa kwayingila.

Jeremia 9:22

Amba ngwe, Yehova kanambe ngwenyi, Mijimba ya malunga afu muyilimbuka hashi ngwe wilo. Muyiholoka ngwe yichita kuli mukwa kucha, mba niumwe mayanda,

Lungungu 4:9

Waze afwile ni katana muhapwa, waze afwile ni zala lamba amwene. O apokiekele, a kutuwa mumu ha kuhona mihuko ya ku mavu.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Zefania 1:17

Hali atu mungukokela kupinda, chocho kumakenda ngwe tupuputa, mumu hanavulumuna Yehova. Makazukula manyinga jo ngwe fufuta, ni musunya wo ngwe tuji.

Shimbi 28:22

Yehova makanulamba ni musongo wa mukaka, ni kachiki, ni chivukuminya chá ku mujimba, ni kusasaminya cha kahia, ni katana, ni kukonyata, ni kuunda. Muyikanuhanga ndo munukakuwa.

Shimbi 28:26

Mijimba yenu muyikapwa kulia cha tujila eswe a ha tetela, ni cha tushitu ali hashi. Kukuchi kapwa niumwe wa kwahuma.