Jeremia 16:19 - MUKANDA USANDU WA ZAMBI 1975

¹⁹ Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Mukanda Wa Zambi 1970

¹⁹ Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Jeremia 16:19 Iomraidhean Croise

1 Yitanga Ya Mianangana 20:23

Tuvumbi twa mwanangana wa Seria yamba kuli iye ngwo, zambi yo zambi ya milundu kashika hatukumba ni tachi. Alioze nyi mutwasa no jita ha yana yetu mutwakumba ni tachi.

Miaso (Masamu) 18:3

Mungutambika hali Yehova, yoze watela uhaliso. Chocho mangulamwina kuli akwa kole jami.

Miaso (Masamu) 19:14

Maliji a mu kanwa liami, ni kupukuna cha mbunge yami chikapeme kumeso je, yena Yehova liwe liami, kanda Mukwa-Kungukula. Kuli Njimba mukwa lutwe. Samu lia David.

Miaso (Masamu) 27:5

Ha tangwa lia lamba mangusweka mu mbalaka yenyi, mwe muchima lia tabernakulu yenyi mangusweka. Kumanguzundula helu ha liwe.

Miaso (Masamu) 46:1

Zambi iye uchinyino wetu ni tachi jetu; iye katwama hehi ni yetu, chikwashi mu lamba.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 46:7

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.)

Miaso (Masamu) 62:2

Iye wika kapwa liwe liami kanda ulamwino wami. Iye kaposhi kami musuku, kashika chichi kukokoloka chikolo.

Miaso (Masamu) 62:7

Kuli Zambi kwatwama ulamwino wami ni ulemu wami. Liwe lia tachi jami kanda uchinyino wami uli muli Zambi.

Miaso (Masamu) 65:3

Yuma ya uhenge yangukumba. Ha kutwala ku milonga yetu, yena mukayitomesa.

Miaso (Masamu) 68:31

Yilolo makatuka ku Engitu; Etiopia malipupwisa kuzoza moko jenyi kuli Zambi.

Miaso (Masamu) 86:9

Mavungu aze eswe watangile kumeza akawayile kumeso ja yena mwe Mwene, akachichimieke jina lie.

Yishima 18:10

Jina lia Yehova liapwa kaposhi mukolo; mukwa ululi machinyinamo mba mamufungila mwilu.

Izaya 25:4

Mumu uli chiswamo cha tachi kuli chiswale, chiswamo cha tachi kuli mukwa kuhona mu lamba lienyi, uli chiswamo ku kangonga ni chihuhumuke ha mwalwa; mumu tachi ja yiswi japwa ngwe kangonga ka kulamba ha yishimi,

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Izaya 44:10

Mukwa kweseka umwe zambi hanji kuzuzulula kaponya yoze kafumbukile iya?

Izaya 44:20

Kakulia uto, mutwe wenyi wa kwongoloka hiwamupiangula; kahashile kulipulula, hanji kwamba ngwenyi, Chongo nguli nacho mu kwoko liami lia chindume.

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 62:2

Mavungu mamona ululi wenu; mianangana eswe mamona uhenya wenu. Kumakanuluka jina liaha lize kanwa lia Yehova mulikanwaha.

Jeremia 10:3

mumu ndako ja mavungu ja kwonga. Mapakula mutondo wa mu yambu mausonga ni njimbu mu kwoko lia chilangaji.

Jeremia 10:5

Tuponya two kapwa ngwe mutondo wa kwola kahashile kuhanjika. Chatamba kwambata mumu kahashile kwenda. Kanda nwavwila woma, mumu kahashile kulinga chipi, chipwe kulinga chipema keshi nacho.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 14:8

Ena, kutalatala cha Izalele, chilamwina cho ha tangwa lia lamba, kuchi te unapu ngwe chilambala mu chifuchi, ngwe ngeji yoze majingako akapombe ufuku umuwika?

Jeremia 17:17

Kanda upwa wa mwongo kuli yami, mumu uli chiswamo chami ha tangwa lipi.

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 3:23

Pundu mindundena yinapu ya kutwonga ni mizumbu ya ha milundu. Pundu, ulamwino wa Izalele uli muli Yehova Zambi yetu.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Ezekiel 11:16

Kashika amba ngwe, Mwene Yehova kanambe ngwenyi, Chipwe naatwalile kusuku hakachi ka mavungu, chipwe naamwangine hakachi ka yifuchi, hindu hinapwa kuli ayo chiswamo ha shimbu lino mu yifuchi kuze ayile.

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Nahume 1:7

Yehova iye mupema; ha tangwa lia lamba kapwa ngwe chihunda cha kukolesa; kananyingika waze akuswamina muli iye.

Habakuke 3:19

Yehova Mwene iye tachi jami. Kakupwisa molu jami ngwe molu a kai. Kakungwendesa ha milundu yami. Kuli njimba wa lutwe: ha yisaji yami ya kusa.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

A-ROMA 1:25

Waze asumbakenyene umwenemwene wa Zambi ni mahuza, nikuwayila, nikulingila chuma cha kutanga, hi mwe Tangi ko, mwenawo kafumana ndo ku miaka ya mutolo. Amene.

1 Petulu 1:18

se nunanyingika hananukula, hi ni yuma ya kupola ko, ngwe prata hanji oru, ku kwenda chenu chamokomoko, chize anukunjikilecho tulamba twenu;

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.