Jeremia 16:18 - MUKANDA USANDU WA ZAMBI 1975

¹⁸ Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Mukanda Wa Zambi 1970

¹⁸ Mungwamba afwete mulonga wo ni ungulungulu wo yisuho yaali, mumu haanachisa chifuchi chami ni mahamba jo waze haanalumbika ngwe afu, ni hanachizalisa ni mazambi jo amokomoko.”

Jeremia 16:18 Iomraidhean Croise

Miaso (Masamu) 106:38

Amwangine manyinga aze keshi chitela, chipwe manyinga ja anó a malunga ni a mapwo, waze alambwile yitapo ku tuponya twa A-Kanana. Chifuchi cheswe chapihile ni manyinga.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 40:2

Hanjika ku mbunge ya Yerusaleme, kololoka kuli iye, kukilikita chenyi hichahwa, uhenge wenyi hanaukonekena, hanatambula ku kwoko lia Yehova yisuho yiali ha milonga yenyi yeswe.

Izaya 61:7

Kusalakana sonyi jenu munupwa ni yihanda yiali, kusalakana sau munuwahilila ni chihinga chenu. Kashika mu chifuchi chenu munuzuka yihanda yiali, uwahililo wenu muupwa wa mutolo.

Izaya 65:6

Nyingikenu, chinasonewa kumeso jami ngwami, Chichi kahola, mungukafwetesa, mungukafwetesa mwe mu makondo jo

Izaya 65:7

ni uhenge wo, ni uhenge wa atato; chocho kanambe Yehova mumu hanochela insensu ha milundu, hanangutuku ha mindundena. Mungweseka mu makondo jo fweto ya yize halinga kulu.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 3:9

Mumu ukoi yiulela kuli iye, kashika yachisa chifuchi cheswe nikulinga utanji ni mawe ni mitondo.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 7:30

Yehova kanambe ngwenyi, Ana ja A-Yunda halinga chipi kumeso jami. Hanase yuma yo ya lwaji mu zuwo lize haliluka jina liami, akalichise.

Ezekiel 11:18

Mba ha kuhetako makachizamo yuma yize yeswe ya kuvwisa kupiha, ni yuma yeswe ya lwaji.

Ezekiel 11:21

Alioze ha kutwala kuli waze ali ni mbunge ja kukaula yuma yo ya kuvwisa kupiha ni yuma yo ya lwaji, mungukafweta yitanga yo ha mitwe yo ene. Chocho kanambe Mwene Yehova.

Ezekiel 36:18

Chocho nazukwile ufwatulo wami hali ayo ha mukunda wa manyinga aze hamwanga mu chifuchi, ni ha mahamba aze achichishile no.

Ezekiel 5:11

Kashika Mwene Yehova kanambe ngwenyi, Ni mwono wami, se yenu hinwachisa zuwo liami lisandu ni yuma yenu yeswe ya kuvwisa kupiha, ni yuma yenu yeswe ya lwaji, kashika mungukanutepulula. Liso liami kulichi kanuvwila vumbi, chichi kanuvwila keke.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Alevi 26:30

Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Mika 2:10

Katukenu, yénu, hi kuno ko munuhasa kuhwimina ha mukunda wa luchisa umwe wa kwonwona ni kwonwonachipi.

Usolwelo 18:6

Mufwetenu chizechene ngwe hanafwetesa, ni yisuho yiali, nikulita ni yitanga yenyi; mu musenge uze hanauchinge, muchingilenu yisuho yiali.