Jeremia 16:17 - MUKANDA USANDU WA ZAMBI 1975

¹⁷ Mumu meso jami kanatale ndako jo jeswe; kujanguswaminyine. Chipwe uhenge wo kahashile kunguswekelawo.

Mukanda Wa Zambi 1970

¹⁷ Mumu hinamona yeswe yize akulinga. Chuma nichimwe kuchaswamine ku meso jami; milonga yo kuyisolo kuswama ku meso jami.

Jeremia 16:17 Iomraidhean Croise

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

Jobe 10:14

Nyi munguvulumuna wakungufunjika, kuchi kungusambisa ha uhenge wami.

Jobe 31:4

Te kamwene majila jami? Kalwile mashimbo jami eswe?

Miaso (Masamu) 109:15

Yikatwame kumeso ja Yehova matangwa eswe, hanga akatete Chiwulwiso cho hano hashi.

Miaso (Masamu) 139:3

Kuwakunyingikisa jila yami ni kupomba chami. Unalijilila ni majila jami eswe.

Miaso (Masamu) 33:15

Yoze wakuwumba mbunge jo jeswe; kakuzewula yitanga yo yeswe.

Miaso (Masamu) 51:9

Ufuke meso je ku milonga yami, ujimune uhenge wami weswe.

Miaso (Masamu) 90:8

Hiunase uhenge wetu kumeso je; milonga yetu ya kuhengama yinasoloka mu pangu lia meso je.

Yishima 15:3

Meso a Yehova anamono kweswe nikutala chipi ni chipema.

Yishima 5:21

Mumu ndako jeswe ja mutu jinasoloka ku meso ja Yehova. Iye kakutala majila jenyi eswe.

Izaya 29:15

Lamba kuli waze akusweka kusuku ni Yehova kutaka cho, waze ali ni yitanga yo mu milima; kakwamba ngwo, Iya unatumono? Iya unatunyingika?

Izaya 66:18

Mumu ngunanyingika yitanga yo ni manyonga jo, mba nguneza ngukakonge mavungu eswe ni malimi akeze akamone uhenya wami.

Jeremia 2:22

Chipwe musana ni soda ni sabau yinji hindu luchisa wa uhie we kwali kumeso jami. Chocho kanambe Mwene Yehova.

Jeremia 23:24

Yehova kanambe ngwenyi, Mutu mahasa kuswama kumwe kuma kwa kuhengeka, ami chichi kuhasa kumumona? Yehova kanambe ngwenyi, Te chazalishile lihi ni hashi?

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Jeremia 7:11

Zuwo lino hanaliluku jina liami hilialumuka kumeso jenu chivwenge cha mihuza? Chipwe yami hinachimona, chocho kanambe Yehova.

Ezekiel 8:12

Aye yanguhula ngwenyi, Mwana mutu, hiwamona chize makulwana a munyachi wa Izalele analingi mu milima, mutu mweswe mu yipatulo yenyi ya tuponya? Mumu kakwamba ngwo, Yehova katumwene. Yehova hanakatuka mu chifuchi.

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Zakaria 4:10

Mumu iya halelesa tangwa lia yuma yikepe? Kumakawahilila; kumakamona prumo mu kwoko lia Zorobabele. Wano shimbiali o meso ja Yehova kakwendangana hashi heswe.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.