Jeremia 16:16 - MUKANDA USANDU WA ZAMBI 1975

¹⁶ Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Mukanda Wa Zambi 1970

¹⁶ Mwene Zambi kanambe ngwenyi: “Mungutambika atu anji akwa kuta yishi eze oze atu wano. Mba mungutuma nawa mayanga anji ni kwashihila ha milundu ni ha mindundena yeswe ni ku yivwenge ya mawe.

Jeremia 16:16 Iomraidhean Croise

Ubutukilo 10:9

Iye te chinyanga munene kumeso ja Yehova, kashika akwamba ngwo, Ngwe Nimorote chinyanga munene kumeso ja Yehova.

Izaya 2:21

akanjile mu yivwenge ya yimawe, ni yivwenge ya mu mambongo, akaswamine mwongo wa Yehova, ni uhenya wa wanangana wenyi, muze makatuka akakolese mwongo he hashi.

Izaya 7:19

O eswe meza ni kupwila mu mambongo ajotoka, ni mu yivwenge mu yimawe, ni ha mingonga yeswe, ni ha kelo jeswe.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 4:29

Ha Chizungozungo cha akwa tuvwalu ni ngashi yihunda yeswe yinachina. Kanaswame mu usaki; kananyina ku mawe; yihunda yeswe hanayichina, niumwe katwaminemo.

Jeremia 49:5

Mwene Yehova-wa-Tujita kanambe ngwenyi, Mungukukokela mwongo kuli waze eswe anakujingilika. Kumakanuhuma, mutu mweswe fwapu kumeso jenyi, mba kukuchi kapwa mutu makakungulula akwa kuchina.

Jeremia 6:9

Yehova-wa-Tujita kanambe ngwenyi, Chizechene ngwe akuchiza mihuko ku mitondo ya uva, chocho Chiza waze alisalaho kuli A-Isalele. Palikisaho kwoko lie ha mitango ngwe mukwa kuhela uva.

Lungungu 4:18

Malunga atukawile mwe mu ngano, chocho chipwe mu matapalo jetu kutwa-hashile kwenda. Songo lietu liakundamine; matangwa jetu ahwile mumu hitwaheta ku songo.

Lungungu 4:19

Akwa kutuhanga atambikile kuhiana mapupa mwilu. Yatuhanga ha milundu, yatujikinyina mu puya.

Hosea 10:10

Mungukeza kulimika ni wano akwa kupiya nikwalamba kastigu; mba mavungu makakunguluka kulimika no muze makaalamba kastigu ha milonga yo yiali.

Amose 4:2

Mwene Yehova halishinga ni usandu wenyi ngwenyi, Matangwa meza kwiza hali yenu muze makanuchizako ni yikungo. Waze makasulako makaachiza ni tuzambu.

Amose 5:19

ngwe kachi mutu machina ndumba mba matakana ni ursu. Hanji manjila mu zuwo mba ha kujamina ni kwoko ha yishimi kapela mamusuma.

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

1 Samuel 24:11

Tala tata! tala lupula wa hina lienu mu kwoko liami. Natetanga lupula wa hina lienu, chanushihile kashika munuhasa kunyingika ni kumona ngwenu, Mu moko jenyi kumwatwamine chipi hanji Utanguko. Enu nwakunguhanga nungushihe; ami chanuvulumwine.

1 Samuel 26:20

Kashika manyinga jami kanda amwangana hashi kusuku ni Yehova, mumu mwanangana wa Izalele haneza mukuhanga kachipu umuwika ngwe atu kakuhanga ngwali ha milundu.