Jeremia 16:11 - MUKANDA USANDU WA ZAMBI 1975

¹¹ Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Mukanda Wa Zambi 1970

¹¹ Mba muwakumbulula ngwe, Mwene Zambi kanambe ngwenyi: ‘Tushakulu twenu angumbile nyima, yaakombelela mahamba ni kwalingila, yaangwehuka ni kulituna longeso liami.

Jeremia 16:11 Iomraidhean Croise

1 Yitanga Ya Mianangana 9:9

Makumbulula ngwo, Mumu ehukile Yehova Zambi yo yoze wachijile tulamba two ku Engitu, akwachile ku mazambi akwo nikwawayila nikwalingila. Kashika Yehova haakokela yipi yino yeswe hali ayo.

2 Sango Ja Mianangana 7:22

Mba makumbulula ngwo, Mumu ehukile Yehova Zambi ya tulamba two, yoze waachijile ku chifuchi cha Engitu. Akwachile ku mazambi akwo nikwawayila nikwalingila; kashika iye haakokela yipi yino yeswe.

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 22:9

Mba makumbulula ngwo, Mumu ehukile usendo wa Yehova Zambi yo ni kuwayila mazambi eka ni kwalingila.

Jeremia 44:3

mumu ha ungulungulu uze alingile nikungwihia ngutenuke, ha kuya nikwocha insensu ni kulingila mazambi eka aze kaanyingikine, chipwe o, chipwe yenu, chipwe tulamba twenu.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Jeremia 9:14

hanakaula mbunge jo ene ni pami, nikukaula Ambale nikulita ni longeso lia tulamba two,

Lungungu 5:7

Tulamba twetu avulumwine, ni musono keshiko; yetu tunatambula lamba lia uhenge wo.

Ezekiel 11:21

Alioze ha kutwala kuli waze ali ni mbunge ja kukaula yuma yo ya kuvwisa kupiha ni yuma yo ya lwaji, mungukafweta yitanga yo ha mitwe yo ene. Chocho kanambe Mwene Yehova.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Malaki 3:7

Chize ku matangwa ja tulamba twenu hinwahambuluka ku shimbi jami, kunwaatungile. Hilukenu kuli yami, ni yami munguhiluka kuli yenu. Chocho kanambe Yehova-wa-Tujita. Alioze yenu nwakwamba ngwenu, Tuhiluke kuchi?

1 Petulu 4:3

Mumu kunahu hali yenu miaka yize yapalika kulinga upale wa akwa mavungu, nikwenda mu ujila, ni usolo, ni kunwa vinyu, ni chimbangwinya, ni kunwanwa walwa, ni kukombelela cha kuzelwokesa.

Akwa Kuyula 2:11

A-Izalele alingile chipi kumeso ja Yehova nikuvumbika Ambale,