Jeremia 15:7 - MUKANDA USANDU WA ZAMBI 1975

⁷ Hinaafuza ni chikungo cha kufuza nacho mwe mu yikolo ya chifuchi. Hinaashiha atu jo, hinonwona atu jami, kakatukile ku ndako jo.

Mukanda Wa Zambi 1970

⁷ Mu yihunda yeswe hinanufuza ngwe mwambu. Hingunanushihi yenu atu jami, hingunashihi ana jenu, mumu kunwechele ko kulinga yibi.

Jeremia 15:7 Iomraidhean Croise

Miaso (Masamu) 1:4

Yingulungulu keshi kupwa chocho. O kapwa ngwe yizungu yize yakuhehuka ni fuji.

Izaya 41:16

Munukayifuza ni fuji muyikayihehula. Kangonga makaamwanga. Mba munukawahilila muli Yehova; munukalisamba muli mwe Musandu wa Izalele.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 51:2

Mungutuma ku Babilonia akwa kufuza, akamufuze, akahichike chifuchi chenyi chamokomoko, muze mamuheta sali ni sali ha tangwa lia lamba.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 24:25

Ni yena mwana mutu, ha tangwa lize mungukaatambula chihunda cho cha kukolesa, uwahililo wo ni uhenya wo, ni chize meso jo kakuwahilila nacho ni mbunge jo kujakuzanga, hamwe ni ana jo a malunga ni a mapwo.

Ezekiel 36:12

Ewa, mungukatayiza atu kwenda hali yenu atu jami A-Izalele; mba o makanuzuka, ni yenu munukapwa chihinga cho, mba kunuchi kaashihisa ana jo.

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Shimbi 28:18

Ana a ku mijimba yenu makashingiwa, ni mbuto ya mavu jenu, ni kwoka cha yimuna jenu, ni ana ja mapanga jenu.

Shimbi 28:32

Kumakahana ana jenu a malunga ni ana jenu a mapwo kuli atu eka, meso jenu matala, makapwa ni usona wo tangwa lieswe, moko jenu makahona tachi.

Shimbi 28:41

Munukasema ana a malunga ni ana a mapwo, alioze kechi kapwa ninyenu, makaya ku ufunge.