Jeremia 15:6 - MUKANDA USANDU WA ZAMBI 1975

⁶ Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Mukanda Wa Zambi 1970

⁶ Yenu hinunangwehuka; hinunangumbu nyima. Ni yami hingunolola kwoko liami nikunufwenya mumu hijinanguhu kunukonekena.

Jeremia 15:6 Iomraidhean Croise

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Izaya 28:13

Kashika liji lia Yehova kuli ayo mulipwa ndongo ha ndongo, ndongo ha ndongo; mukala ha mukala, mukala ha mukala; hano hakehe, ako hakehe; hanga akaye akalimbukile unyimenyime, akamakuke, akakwachike, akaoze.

Izaya 31:3

A-Engitu o atu, hi Zambi ko. Tuvwalu two a musunya, hi Spiritu ko. Muze Yehova molola kwoko lienyi, chikwashi matalinga, ni yoze amukwashile malimbuka, mba kumakanonga eswe hamuwika.

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 13:14

Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 6:12

Kumakahana mazuwo jo kuli akwo, ni minda yo ni mapwo jo hamuwika; mumu munguzoza kwoko liami kulimika ni akwa chifuchi. Chocho kanambe Yehova.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Jeremia 7:16

Ni yena, kanda ulembela vungu lino; kanda usaho muteto hanji kulemba hali ayo; kanda uahakwila kumeso jami, mumu chakupanjikile.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Jeremia 8:9

Akwa mana makaakolesa sonyi, makatatajala, makakwachika; mumu hanalitunu liji lia Yehova, mba mana aka ali no nawa?

Ezekiel 14:9

Nyi kachi profeta mongoloka akahanjike limwe liji, yami Yehova hinonga mwe profeta yoze. Mba munguzoza kwoko liami kulimika nenyi; mungunwonwona hakachi ka atu jami A-Izalele.

Ezekiel 25:7

kashika hinazoza kwoko liami kulimika ni yenu, mba mungukanuhana nukapwe upite wa kupunda ku mavungu. Mungukanuteta hakachi ka mavungu, mungukanujimuna hakachi ka yifuchi. Mungukanunongesa. Henaho munukanyingika yami nguli Yehova.

Ezekiel 35:3

wambe ngwe, Mwene Yehova kanambe ngwenyi, Kunalimika ni yena mulundu wa Sere, kashika mungukazoza kwoko liami kulimika ni yena, mba mungukakupwisa wa kwenyeka, wa hululu.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 13:14

Mungwakula ku tachi ja Shiole? Mungwahula ku kufwa? Ena kufwa, yilungo ye yilihiyo? Ena Shiole, kwonwona che Chilihicho? Keke hiyanguswamina ku meso jami.

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Zefania 1:4

Mungukolola kwoko liami kulimika ni Yunda ni kulimika ni akwa Yerusaleme eswe. Mungukateta masalila ja Mbale kuma kwo kuno, ni lie jina lia asasendote ja mahamba,

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.