Jeremia 15:4 - MUKANDA USANDU WA ZAMBI 1975

⁴ Mungwapwisa chuma cha lwaji kuli akwa mawanangana eswe a hashi mumu ha yize yuma Manase, mwana Hezekia, mwanangana wa Yunda walingile mu Yerusaleme.

Mukanda Wa Zambi 1970

⁴ Akwa hashi eswe maalishimwoka mumu hali ayo, mumu ha yize Manase mwana wa Hezekia mwanangana wa Ayuda alingile mu Yerusaleme.”

Jeremia 15:4 Iomraidhean Croise

1 MIANANGANA 21:1

Ha kuputuka kuyula Manase wapwile ni kumi lia miaka ni miaka yiali, mba wayulile makumi atano a miaka ni miaka yitano mu Yerusaleme. Jina lia naye Hefeziba.

1 MIANANGANA 21:15

mumu halinga chipi kumeso jami, hangwihia ngutenuke chize ku tangwa lize tulamba two akatukile ku Engitu ndo musono.

1 MIANANGANA 21:2

Walingile chipi kumeso ja Yehova nikulita ni yizelwokeso ya mavungu aze Yehova wahumine kumeso ja A-Izalele.

2 Sango Ja Mianangana 33:1

Ha kuputuka kuyula, Manase wapwile ni kumi lia miaka ni miaka yiali, mba wayulile makumi atano a miaka ni miaka yitano mu Yerusaleme.

2 Sango Ja Mianangana 33:2

Walingile chipi kumeso ja Yehova nikukaula yizelwokeso ya mavungu aze Yehova wahumine kumeso ja A-Izalele.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Jeremia 9:16

Mungwamwanga hakachi ka mavungu kaanyingikine, chipwe tulamba two, mungwahanga ni katana ndo hinaanongesa.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Ezekiel 18:19

Hindu munwamba ngwenu, Kuchi te mwana kechi kamona lamba ha uhenge wa tato? Nyi mwana halinga chize chinalite ni shimbi, Chinalulama; hatala kanawa akafunge yiyulo yami yeswe, aye kumakatwama ni mwono.

Ezekiel 23:46

Mumu Mwene Yehova kanambe ngwenyi, Koka chihuji kulimika no Ukaapwise chuma cha mwongo, chuma cha kupupa.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.