Jeremia 15:2 - MUKANDA USANDU WA ZAMBI 1975

² Mba muze makuhula ngwo, Kulihi mutuya? Amba kuli ayo ngwe, Yehova kanambe ngwenyi, Waze hanaasela chilungo, aye ku chilungo, ni waze hanaasela katana, aye ku katana. Waze hanaasela kapunga, aye ku kapunga, ni waze hanaasela ufunge, aye ku ufunge

Mukanda Wa Zambi 1970

² Muze maahula ngwo: ‘Kulihi chatutamba kuya?’ Alweze ngwe: ‘Mwene Zambi kanambe ngwenyi: Atu waze chaatamba kufwa ni misongo, kumaafwa ni misongo; waze chaatamba kufwa mu jita, kumaafwa mu jita; waze chaatamba kufwa ni zala, kumaafwa ni zala; waze chaatamba kuya mu zuwo lia lamba, kumaaya mo!’

Jeremia 15:2 Iomraidhean Croise

Izaya 10:4

Nichimwe chasala chakuhi shina kuutama hakachi ka funge, hanji kufwa hakachi ka waze anaashihi. Chipwe chocho utenu wenyi kuwakondolokele; kwoko lienyi hindu kanalizozo.

Izaya 24:18

Yoze machina ha kwivwa mwongo maholoka mu wumbu; mba yoze makatuka mu wumbu mafwa mu muheto. Mumu manjanela a mwilu hanazuluka, ni fundamentu ja hashi jinachikima.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 43:11

Kumakeza ni kulamba chifuchi cha Engitu, ni kuhana ku chilungo waze hanaafunjikila chilungo, ni kukunjika ku ufunge waze hanaafunjikila ufunge, ni kukunjika ku katana waze hanaafunjikila katana.

Ezekiel 12:11

Amba ngwe, Nguli chilayi kuli yenu. Chino nalinga yami, chocho malinga kuli ayo nawa, mba kumakaya ku unjize, ku ufunge.

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 33:27

Amba chino kuli ayo ngwe, Mwene Yehova kanambe ngwenyi, Ni mwono wami, pundu, waze anatwama mu yihela ya kwenyeka makafwa ni katana, mba yoze uli mu yambu mungukamuhana kuli tushitu akamulie; ni waze ali mu yihunda ya kukolesa ni mu yivwenge makafwa ni chilungo.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Amose 5:19

ngwe kachi mutu machina ndumba mba matakana ni ursu. Hanji manjila mu zuwo mba ha kujamina ni kwoko ha yishimi kapela mamusuma.

Zakaria 11:9

Chocho yingwaamba ngwami, Chichi kapwa kafunga kenu. Yoze hamufunjikila kufwa, akafwe; yoze hamufunjikila kwonwona, amwonwone; waze malisalaho akalie musunya wo, umwe kuli mukwo ni mukwo.

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.