Jeremia 15:19 - MUKANDA USANDU WA ZAMBI 1975

¹⁹ Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Mukanda Wa Zambi 1970

¹⁹ Mwene Zambi yakumbulula ngwenyi: “Nyi wahiluka, mungukutambula, mba muubwa nawa kavumbi kami. Nyi ngwe wahanjika umwenemwene, hi maliji amokomoko ko, mba muubwa nawa mukwa munanyi wami. Atu maatalikisa kuli yena, hi yena ko muutalikisa kuli ayo.

Jeremia 15:19 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

Kutuhuka 4:12

Kashika haliapwila yako; mungukapwa ni kanwa lie; mungukakulongesa chize muhanjika.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 35:19

kashika Yehova-wa-Tujita, Zambi ya Izalele kanambe ngwenyi, Jonadabe mwana Rekabe kechi kahona lunga kumana kumeso jami nilimwe tangwa.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Jeremia 6:29

Mwaze unalingi ni tachi, ni shumbu yinaweme mu kahia hindu kupemesa chinalingi mokomoko, mumu api kaachijile

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Ezekiel 2:7

Muhanjika maliji jami kuli ayo, chipwe mevwa, chipwe kasolo kwivwa, mumu kapwa munyachi wa yihulia.

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Ezekiel 44:23

Makalongesa atu jami kuhandununa hakachi ka yuma yisandu ni yuma yeswayo, nikwalweza kusa chinyingi hakachi ka yuma ya luchisa ni yuma yipema.

Alevi 10:10

Chanutamba kupatula hakachi ka yisandu ni yuma yeswayo; hakachi ka yuma yipema ni yuma ya luchisa.

Alevi 14:57

kulweza muze kwapwa luchisa, hanji hi luchisa ko. Ye shimbi ya mbumba yino yene.

Yona 3:2

Katuka uye ku Ninive, lie limbo linene, ukakololoke chize ngunakutumu.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Luka 12:12

mumu Spiritu Musandu kumanulongesa ha ola yize yene chize Chanutamba kwamba.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Yilinga 20:27

Mumu chalitwaminyine kwambujola kuli yenu mana eswe a Zambi.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Galashia 2:5

o kutwaatayijile, ngwe kulizeyesa, ka, chipwe ha ola yimuwika; hanga umwenemwene wa sango lipema ukatwame hamwe ni yenu.

Hebreu 5:14

Alioze kulia cha tachi kuchapwa hali waze hakola, waze mumu ha mukunda wa kulijilila, mana jo akwete a kulifumba, akase chinyingi hakachi ka chize chipema ni chipi.

Yuda 1:24

Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia.