Jeremia 15:18 - MUKANDA USANDU WA ZAMBI 1975

¹⁸ Kuchi te yikola yami kuyishi kuhola, ni chilonda chami kuchishi yitumbo, kuchisolo kuhinduka? Te kumuopwa kuli yami ngwe chitwetwe cha kwonga, ngwe meya aze akuhwa?

Mukanda Wa Zambi 1970

¹⁸ Mumu yika ngunamwena lamba lino? Mumu yika yikola yami kuyisolo kuhwa? Mumu yika Chishi kuhinduka? Kafwa unangupwisa ngwe chitwetwe chize muchuma ha changa, nyi?”

Jeremia 15:18 Iomraidhean Croise

Jobe 14:11

Ngwe meya akuma mu Chitende, ni lwiji wakutepuluka ni kuma chau,

Jobe 34:6

Chipwe nasamba hindu hangumona mahuza; chilonda chami kuchishi yitumbo chipwe kuchishi mulonga.

Miaso (Masamu) 6:3

Mbunge yami kuyakuchikima chikolo, alioze yena Yehova ndo mwiji muka?

Jeremia 14:19

Hiunalitunu Yunda liakulu? Mbunge ye kuyazangile nawa Zaione? Kuchi te hiunatulambe ni kuwuka chakuhi? Twataliletalile uhwimino alioze chipema nichimwe kuchejile. Twataliletalile mwaka wa kuwuka alioze mwongo wejile.

Jeremia 14:3

Alemu jenyi kakutuma ngamba jo ku meya; kakwiza ku mashima, keshi kuwana meya, kakuhiluka ni yikwachilo ya upolongo, kakupwa ni sonyi, chakwatatajala, kakutuka mitwe yo.

Jeremia 20:18

Kuchi te natuhukile mu jimo ngukamone kuhondangana ni chinyengo, ni kuhwisa matangwa jami ni sonyi?

Jeremia 20:7

Yehova wangwonga, mba yami nongoloka. Wanguhiana ni tachi hiwangukumba. Hinalumuka chuma cha kuseha tangwa lieswe, atu eswe kakungulenya.

Jeremia 30:12

Mumu Yehova kanambe ngwenyi, Yikola ye kuyishi yitumbo; mbandu ye yipi chikolo.

Jeremia 30:15

Kuchi te wakulitetela ha yikola ye? Yikola ye kuyishi yitumbo. Hinakulinga yuma yino mumu uhie we unene, milonga ye kumeso ja atu eswe.

Mika 1:14

Kashika munuhana yawana ya kulishika kuli Moreshete-Ngate; mazuwo ja Akaziba mapwa kwonga kuli mianangana ja Izalele.

Mika 1:9

Mumu mbandu jenyi kechi kahasa kujiwuka; hijaheta ndo ku Yunda, hijaheta ndo ku chikolo cha atu jami, kwe ku Yerusaleme.