Jeremia 15:17 - MUKANDA USANDU WA ZAMBI 1975

¹⁷ Chatwamine hamuwika ni akwa chiseke, chipwe kulikwiza. Natwamine ukwawami mumu kwoko lie liapwile hali yami, mumu hiwanguzalisa ni wuli.

Mukanda Wa Zambi 1970

¹⁷ Te Chishi kuhwisa matangwa jami nikutwama ni atu, ni kusehejela. Yingwononokena maliji je, yingubwa ukawami, yingwivwa wuli unji.

Jeremia 15:17 Iomraidhean Croise

Miaso (Masamu) 1:1

Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

Miaso (Masamu) 102:7

Nakutalatala; hinapwa ngwe ndalamusepe wa ukawenyi ha fulumba lia zuwo.

Jeremia 1:10

Tangwa lino hinakusa helu lia mavungu ni mawanangana, ukatukule, ukapuzule, ukonwone, ukanungune, ukatunge, ukatumbe.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 16:8

Kuchi kuya mu zuwo lia chiteleka kutwama no, hanji kulia ni kunwa.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Lungungu 3:28

Akatwame ukawenyi nikuhola muze mamutwikayo;

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Zakaria 1:12

Henaho mungelo wa Yehova yamba ngwenyi, Yehova-wa-Tujita, ndo mwiji muka kuchi kapwa ni keke ha Yerusaleme ni ha yihunda ya Yunda hiwapwa ni ufwatulo wa kulimika nayo miaka yino makumi shimbiali?

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,