Jeremia 15:15 - MUKANDA USANDU WA ZAMBI 1975

¹⁵ Yehova, ena unanyingika. Ungwiwuluke Ungunangise. Ungukalile hali akwa kunguhungumiona. Mu kulihumikiza che kanda unguchiza. Nyingika kanawa ha mukunda wa yena nakulikoleza ni luchoko.

Mukanda Wa Zambi 1970

¹⁵ Mba yami yingwamba ngwami: “Mwene Zambi, yena Unanyingika. Ngwiwuluke kama, ungukwase. Ngukale kama kuli waze akunguhungumiona. Kanda ulihumikiza no angushihe. Iwuluka ngwe haanangushililika mumu hali yena.

Jeremia 15:15 Iomraidhean Croise

Nehemia 13:22

Yingwamba A-Levi alipemese, eze afunge mapito akasele ku usandu Sambata. Zambi yami Wiwuluke chino chuma nawa kuli yami ukangufunge nikulita ni unene wa utu wa zango lie.

Nehemia 13:31

ni ha mulambu wa kunyi ha matangwa jajo, ni ha mbuto yitangu. Zambi yami, ungwiwuluke kama, unguwahise.

Nehemia 5:19

Zambi yami, iwuluka kama hali yami yipema yeswe hinalingila atu ano.

Nehemia 6:14

Zambi yami, iwuluka kama Tobia ni Sambalate nikulita ni yitanga yo; ni profeta wa pwo Noadia, ni aprofeta akwo waze anazange kungukolesa woma.

Jobe 10:7

chipwe unanyingika chishi mulonga, ni wakuhi yoze mahasa kungupulula ku kwoko lie, nyi?

Miaso (Masamu) 102:24

Nambile ngwami, Zambi yami kanda unguchizaho hakachi ni hakachi ka matangwa jami, miaka ye kuyili ndusu yisemuko yeswe.

Miaso (Masamu) 106:4

Yehova, ungwiwuluke kama ni vumbi lize wakupwa nalio kuli atu je. Ungunangise ni ulamwino we.

Miaso (Masamu) 119:84

Matangwa ja yami kavumbi ke angahi? Mwiji muka mupatwila waze akunguhungumiona?

Miaso (Masamu) 17:3

Hiuneseka mbunge yami. Hiunahete kuli yami ha ufuku. Hiunangweseka hindu kwawanyine nichimwe. Hinalisela ngwami, Kanwa liami kulichi kuvulumuna.

Miaso (Masamu) 39:13

Kanda ungulamba, hanga ngukawane tachi shimbu kanda nguchikatuka hano, mba chishiho nawa.

Miaso (Masamu) 44:22

Alioze hali yena kakutushila tangwa lieswe nganganga; kakutufunjika ngwe mapanga aze maashiha.

Izaya 38:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Jeremia 12:3

Alioze yena Yehova unangunymgika. Unangumono, nikweseka manyonga jami ha kutwala kuli yena. Watukule ngwe mapanga a kuya ku chishihilo, ukaatulike ha tangwa lia kushiha.

Jeremia 15:10

Ena mama! Lamba liami mumu wangusema, yami nguli lunga wa kulitachika ni wa kulimanangana chifuchi cheswe. Chaahele mikuli chipwe kuyitambula hindu e atu eswe kakungutukatuka.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Jeremia 17:16

Chakushinjikile kutuma chipi, chazangile tangwa lia huli, yena unachinyingika. Yize yeswe yatuhukile mu kanwa liami kwe kumeso je nayambile.

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Jeremia 20:12

Yehova-wa-Tujita, yena wakweseka akwa ululi, Wakumona mbunge ni manyonga. Ngumone kama chize mwafwetesa, mumu hanakunjika chikuma chami kuli yena.

Jeremia 20:8

Mumu cheswe munguhanjika nakuteta kwilu. Nakutambika ngwami, Upupilo ni kwonwona! Mumu liji lia Yehova hilialumuka kuli yami luchoko ni sau tangwa lieswe nganganga.

Lungungu 3:64

Yena Yehova muwafwetesa nikulita ni yitanga ya moko jo.

Lungungu 3:66

Yena Yehova muwahanga ni utenu ni kwaonwona nikwajimuna kushi lia malilu je.

Mateu 10:22

Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Mateu 19:29

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Luka 21:17

Kumakanuvwila kole kuli eswe mumu ha jina liami.

A-ROMA 12:19

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.

A-ROMA 8:35

Iya matuhandununa ku zango lia Kristu? Ngwetu, Luyinda, hanji kupinda, hanji yihungumiona, hanji kapunga, hanji uvu, hanji Utoji, hanji katana, nyi?

2 Korintu 5:11

Kashika se tunanyingika woma wa Mwene, twakukununa atu; alioze kanatusolola kuli Zambi; mba ngunatatatata tukalumbunuke ku mbunge jenu.

2 Timoteu 4:14

Alezandre fuli-unengu, wangulingile yipi yinji: Mwene makamwaha nikulita ni yitanga yenyi

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.

Usolwelo 6:10

O akololokele ni liji linene ngwo, Ndo mwiji muka, Mwata musandu wamwenemwene, yena kushi kupatula, kushi kukala manyinga jetu hali akwa hashi?

Akwa Kuyula 16:28

Henaho Samasone watambikile kuli Yehova ngwenyi, Mwene Yehova ungwiwuluke kama ungutakamise kama kano kamuwika, Zambi, hanga ngufwetese A-Filistea ha meso jami aali.