Jeremia 15:13 - MUKANDA USANDU WA ZAMBI 1975

¹³ Yikumba yenu ni upite wenu munguhana wa kupupa, ni ndando yakuhi, mumu ha milonga yenu yeswe ndusu mu chifuchi chenu cheswe.

Mukanda Wa Zambi 1970

¹³ Mwene Zambi yangwamba ngwenyi: “Mungutuma akwa kole abube ubite ni yikumba ya atu jami ni kwamwesa lamba mumu ha milonga yize nwavulumwine mu chifuchi.

Jeremia 15:13 Iomraidhean Croise

Miaso (Masamu) 44:12

Hiwalanjisa atu je ndando yakuhi, kwafumbwile nichimwe ni ndando yo.

Izaya 52:3

Mumu Yehova kanambe ngwenyi, Akulanjishile, ni ndando yakuhi, kashika makukula, ni mbongo jakuhi.

Izaya 52:5

Kashika yika nguli nayo se atu jami haakwata chawana? Chocho kanambe Yehova. Akwa kuyula jo kanalili mbimbi. Yehova kanambe ngwenyi, Kakulelesa jina liami tangwa lieswe nganganga.

Jeremia 15:8

Hinokesa tuliwa jo kuhiana masekeseke a ku kalunga-lwiji. Kuli anaye ja akweze hinaneha umwe chonwonyi wa ha mwalwa. Susumuku hinakokela hali ayo kulifwita ni mwongo.

Jeremia 17:3

ni ha milundu ya mu chana. Yikumba yenu ni upite wenu weswe, ni manangamo je munguhana ya kupunda, yikafwike shili yenu, ndusu chifuchi chenu cheswe.

Jeremia 20:5

Chikwo nawa munguhana upite weswe wa chihunda chino ni kufumbuka chacho cheswe, ni yuma yize ya kupita kanayizange chikolo, ni yuma yilemu ya mianangana ja A-Yunda yeswe munguyihana mu moko ja akwa kole jo, o mayipunda, mayanda, ni kuyitwala ku Babilonia.

Ezekiel 38:13

Mba Shipa ni Ndetane ni akwa kutalika a ku Tashi ni mievu ja ndumba jako makamba kuli yena ngwe, Kuma, hiweza kutambula upite wa jita, Ukambate yuma ya kupunda, kumbata prata, ni oru, kumbata yimuna ni yikumba, kupunda upite wunji?

Zefania 1:13

Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.