Jeremia 15:11 - MUKANDA USANDU WA ZAMBI 1975

¹¹ Chikapwe chocho Yehova, nyi chaahakwilile kuli yena akawahe; nyi chahakwilile akwa kole kumeso je ha mwaka wa lamba ni ha mwaka wa luyinda.

Mukanda Wa Zambi 1970

¹¹ Mwene Zambi, mashingo jo eswe akunduluke hali yami nyi Chishi kukulingila kanawa, hanji nyi Chishi kuhakwila akwa kole jami kuli yena muze akubwa mu luyinda ni mu lamba.

Jeremia 15:11 Iomraidhean Croise

Miaso (Masamu) 106:46

Waaselele keke kuli waze eswe aatwalile mu ufunge.

Miaso (Masamu) 138:3

Tangwa nasanyikine kuli yena wangukumbulwile. Wangutakamishine ni tachi mu mbunge yami.

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Jeremia 21:2

Nutuhulile kuli Yehova, mumu Nabukanezore mwanangana wa Babilonia kanase jita ni yetu. Hanji Yehova malinga ni yetu nikulita ni yitanga yenyi ya kukomwesa, akamuhilwise atuhichike.

Jeremia 37:17

mwanangana Zedekia yamusanyika, yamwivwa. Mwanangana yamuhulahula ku lumbu ukawo mu zuwo lienyi ngwenyi, Liji limwe liliko lia kuli Yehova? Jeremia ngwenyi, Kulili. Mba yaweza ngwenyi, Kumanukunjika ku moko ja mwanangana wa Babilonia.

Jeremia 37:3

Mwanangana Zedekia yatuma Jukale mwana Shelemia, ni sasendote Zefania mwana Maseia kuli profeta Jeremia ngwenyi, Utulembele kuli Yehova Zambi yetu.

Jeremia 38:14

Mwanangana Zedekia yasaka profeta Jeremia yahanjika nenyi ku unjililo wamuchitatu wa zuwo lia Yehova. Mwanangana yamba kuli Jeremia ngwenyi, Mungukuhula chuma, kanda unguswekela nichimwe.

Jeremia 42:2

yamba kuli profeta Jeremia ngwo, Kuliumba chetu chikahete kumeso jenu nukatulembele kuli Yehova Zambi yenu, hali yetu eswe twasala, mumu twasala akehe wika hakachi ka anji ngwe meso jenu anatumono.