Jeremia 15:10 - MUKANDA USANDU WA ZAMBI 1975

¹⁰ Ena mama! Lamba liami mumu wangusema, yami nguli lunga wa kulitachika ni wa kulimanangana chifuchi cheswe. Chaahele mikuli chipwe kuyitambula hindu e atu eswe kakungutukatuka.

Mukanda Wa Zambi 1970

¹⁰ Mama lamba liamiee! Mumu yika mama angusemenene kwami? Changutamba kuzwela kwami ni atu eswe mu chifuchi. Chasondamishine mbongo hanji kusondama kuli umwe mutu, hindu atu kaanangushingi.

Jeremia 15:10 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Miaso (Masamu) 109:28

Ashinge, alioze yena wahisa. Muze makatuka, sonyi mevwa alioze kavumbi ke mawahilila.

Miaso (Masamu) 15:5

Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Kutuhuka 22:25

Kachi muhana mbongo ja makongo kuli chiswale mweswawo wa atu jami, kanda ukapwa kuli iye mukwa kuhana mbongo chipwe kanda ukamufwetesa mbwezo.

Yishima 26:2

Ngwe ndalamusepe ha kupekumioka chenyi ni kapiasa ha kuhumuka chenyi, chocho shingo lize kulishi chitela kulishi kupwila.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Alevi 25:36

Kanda nutambula mbwezo kuli iye hanji kumufwetesa mbuto, alioze vwilenu woma Zambi yenu hanga mukwenu akatwame hamuwika nenu.

Alevi 25:37

Kanda numwaha mbongo ha mbwezo. Kanda numwaha kulia ha nganyu.

Habakuke 1:3

Kuchi te wakungumwesa chipi? Kuchi te meso jami akutala ku lamba wika? Kwonwona ni upupilo yili kumeso jami; kulitachika ni kuhamika yinasoloka.

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Luka 2:34

Semone waawahishile, wambile kuli naye Maria ngwenyi, Yono hanamusela ha kulimbuka ni ha kukatuka cha anji mu Izalele; akapwe chilayi chize anachihamikina.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yilinga 28:22

Alioze tunachinyongo chipema kwivwa kuli yena chize unashinginyeka; mumu ha mbunga yino tunanyingika kweswe kakuhanjika yuma ya kulimika no.