Jeremia 15:1 - MUKANDA USANDU WA ZAMBI 1975

¹ Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Mukanda Wa Zambi 1970

¹ Mba Mwene Zambi yangwamba ngwenyi: “Chibwe Mose hanji Samuel amane ku meso jami ni kungulembejeka, hindu atu wano chichi kweevwila keke. Akatwise ku meso jami, aye kwo.

Jeremia 15:1 Iomraidhean Croise

Ubutukilo 19:27

Apalahama ha chimenemene mbwi yakanduka kuze anakamana kumeso ja Yehova.

1 MIANANGANA 17:20

Kashika Yehova yalituna munyachi weswe wa Izalele. Yaapinjisa, nikwakunjika mu moko ja akwa kwapupa, ndo haachiza kumeso jenyi.

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Miaso (Masamu) 99:6

Mose ni Arone hakachi ka asasendote jenyi, ni Samuel hakachi ka waze atambikile ha jina lienyi. Atambikile kuli Yehova iye waakumbulwile.

Yishima 14:35

Vumbi ha mwanangana kuliapwa kuli kavumbi wa mana; alioze ufwatulo wenyi muupwa hali mukwa kumukolesa sonyi.

Jeremia 10:18

Mumu Yehova kanambe ngwenyi, Nyingikenu mungunyasa haze akwa chifuchi mwakono. Mungwakokela huli hanga akalivwe.

Jeremia 11:14

Kashika kanda ulembela vungu lino chipwe kwatetela hanji kwahakwila mumu chichi kapanjika muze mangusanyika ha tangwa lia lamba lio.

Jeremia 14:11

Yehova yamba kuli yami ngwenyi, Kanda ulembela wano atu akawahe.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 15:19

Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Jeremia 16:5

Mumu Yehova kanambe ngwenyi, Kanda unjila mu zuwo lia kulilila, kanda uya ukalite mbimbi hanji kwatwila mikuma mumu yami hinachiza sambukila yami ku vungu lino, hamwe ni utu wa zango liami ni keke. Chocho kanambe Yehova.

Jeremia 18:20

Kakufweta chipema ni chipi? Hindu hanangufulila wumbu anguchize mwono wami. Iwuluka chize namanyine kumeso je ni kwahakwila, ngukatewulule ufwatulo we kuli ayo.

Jeremia 22:28

Yono lunga Konia kanapu ndeho yimwe yafwa, ya kulelesa, chikwachilo niumwe kachizangile, nyi? Kuchi te iye ni ana jenyi hanaakongo nikwanyasa mu chifuchi kachinyingikine?

Jeremia 23:39

kashika mungunuzundula ni kunumbila kumeso jami, ni yena ni chihunda chino nanuhele ni tulamba twenu.

Jeremia 35:19

kashika Yehova-wa-Tujita, Zambi ya Izalele kanambe ngwenyi, Jonadabe mwana Rekabe kechi kahona lunga kumana kumeso jami nilimwe tangwa.

Jeremia 52:3

Pundu ha utenu wa Yehova yuma yapihile kuhiana mu Yerusaleme ni hali A-Yunda chocho iye waachijile kumeso jenyi. Mba Zedekia yakatukila mwanangana wa Babilonia.

Jeremia 9:19

Mumu liji lia kulila mbimbi tunalivu mu Zaione ngwo, Twalumbuka Chichize! Hanatukolesa sonyi liakulu mumu hitwahichika chifuchi, hanunguna mazuwo jetu.

Ezekiel 14:14

chipwe kachi wano malunga atatu, Noe, ni Daniel, ni Jo atwamamo, hindu mapulula mwono wo wika ha mukunda wa ululi wo. Chocho kanambe Mwene Yehova.

Ezekiel 22:30

Ami yingufupa umwe hakachi ko, mutu yoze matunga nawa chipanga-cha-mawe, ni kumana mu chituwa kumeso jami kulamwina chifuchi, kanda nguchonwona, alioze chawanyine niumwe.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Zakaria 3:3

Achi Yoshua te kanamana kumeso ja mungelo ni mazalo a luchisa.

Shimbi 9:26

Yingulemba kuli Yehova ngwami, Mwene Yehova, kanda nwonwona atu jenu, chihinga chenu, yenu nwachikulile ni unene wenu, nwachichijile ku Engitu ni kwoko lia ndundo.

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu:

Akwa Kuyula 5:9

Mbunge yami yili kuli akapitau A-Izalele, mumu alihanyine ni mbunge yeswe hakachi ka atu. Fumanyisenu Yehova!

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 7:9

Kashika Samuel yanda mwanapanga machamwa yamulambula akapwe mulambu wa kulumba wa muwundu kuli Yehova. Samuel yahakwila A-Izalele kuli Yehova mba Yehova yamukumbulula.