Jeremia 14:9 - MUKANDA USANDU WA ZAMBI 1975

⁹ Kuchi te unapu ngwe umwe kanakakashana, ngwe umwe mukwa ndundo yoze kahashile kulamwina? Hindu, Yehova, uli hakachi ketu, ni yetu hatuluka jina lie. Kanda utwehuka.

Mukanda Wa Zambi 1970

⁹ Kuchi mba unasoloka ngwe mutu yoze haatungumuna, ngwe kajita yoze keshi tachi ja kulamwina? Mwene Zambi, chamwenemwene yena uli hamwe ni yetu! Tuli atu je, kanda utwehuka.’ ”

Jeremia 14:9 Iomraidhean Croise

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Miaso (Masamu) 10:1

Yehova, kuchi te wakumana kusuku? Kuchi te wakuswama ha tangwa lia lamba?

Miaso (Masamu) 27:9

Kanda unguswekela meso je; Kanda unguchinda yami kavumbi ke mu utenu we. Yena wapwa chikwashi chami; kanda ungumbila, kanda ungwehuka, yena Zambi ya ulamwino wami.

Miaso (Masamu) 46:5

Zambi kwali hakachi ko; kechi kulihiza; Zambi maakwasa ha kucha chimene.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 43:7

waze eswe naalukile jina liami, waze naatangile ha uhenya wami, ni kwawumba ni kwalinga.

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Izaya 59:1

Nyingikenu, kwoko lia Yehova kuliahihile ngwe kulichi kuhasa kulamwina, hanji matwi jenyi hajika, kahashile kwivwa,

Izaya 63:19

Hiwalumuka ngwe waze yena kwaayulile nilimwe tangwa; ngwe waze kaalukile jina lie.

Jeremia 15:16

Yawana maliji je, mba naalia, ni maliji je alumukine kuli yami uwahililo ni chiseke cha mbunge yami, mumu hanangutuku jina lia yena, Yehova Zambi-ya-Tujita.

Jeremia 51:5

Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Lungungu 5:20

Kuchi te wakutuvulama ku miaka yeswe? Kuchi te hiwatwehuka shimbu lipwa haha?

Ezekiel 48:35

Muchipwa cha kumi Ha tununu ni tununu nake a mbungu kweswe kwa kujingilika. Jina Iia chihunda chize ku tangwa lize mulipwa Yehova Mwali.

Habakuke 1:2

Yehova ndo mwiji muka munguteta ungukwase mba yena kushi kwivwa? Ndo mwiji muka munguteta ngwami, Upupilo! alioze yena kushi kulamwina?

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Kwalula 11:23

Yehova yamba kuli Mose ngwenyi, Te kwoko lia Yehova hiliahiha nyi? Haliapwila munyingika shina mungumanununa liji liami, nyi shina ka.

Yilinga 15:17

hanga masalila ja atu akafupe Mwene, ni akwa mavungu eswe, waze hali ayo jina liami analivuluka, chocho anambe Mwene, yoze wakulinga yino yuma yeswe.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

Shimbi 28:10

Mavungu eswe a hashi makamona ngwo, Hananuluku ni jina lia Yehova, mba makanuvwila woma.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.

1 Samuel 12:22

Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.