Jeremia 14:7 - MUKANDA USANDU WA ZAMBI 1975

⁷ Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Mukanda Wa Zambi 1970

⁷ Atu jami kaakungulilila ngwo; ‘Mwene Zambi, chibwe hitunavulumuna, tukwase kama ngwe chize walakenyene. Hitunakwehuka yisuho yinji; hitunakuvulumuna.

Jeremia 14:7 Iomraidhean Croise

Ezra 9:15

Yehova, Zambi ya Izalele! Uli mukwa ululi! mumu hitwasala ngwe atu a piliwiji a kwomboka—chize twapwa kumeso je musono. Tala, tuli kumeso je ni uhie wetu, mumu niumwe mahasa kumana kumeso je mumu ha chino chuma.

Miaso (Masamu) 115:1

Yehova, hi yetu ko, hi yetu ko machichimieka, alioze jina lie linene, mumu ha utu wa zango lie ni umwenemwene we.

Miaso (Masamu) 25:11

Yehova, mumu ha jina lie ngukonekene kama uhenge wami, mumu hiwoka chikolo.

Miaso (Masamu) 79:9

Zambi ya ulamwino wetu, utukwase kama mumu ha ulemu wa jina lie. Utupulule, utupemese ku milonga yetu mumu ha jina lie.

Izaya 48:11

Ha mukunda wa yami ngunachilingi, ha mukunda wa yami mwene, mumu kuchi mungutayiza jina liami likajiluke? Uhenya wami chichi kauhana kuli mukwo.

Izaya 59:12

Mumu Utanguko wetu hiwoka kumeso je; milonga yetu kuyakutushindakenya. Utanguko wetu watwama hamwe ni yetu; tunanyingika uhenge wetu.

Jeremia 10:19

Lamba liami mumu ha yikola yami! Mbandu yami yipi. Alioze nambile ngwami, Pundu lino lamba liami, mba changutamba kulikoleza nalio.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 5:25

Uhenge wenu hiunahumu yino yuma, ni milonga yenu hiyinanumina yuma yipema.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Ezekiel 20:14

Alioze yingulinga ha kulemesa jina liami hanga kulichi kajiluka kumeso ja mavungu kumeso jo te naatuhwishile.

Ezekiel 20:22

Alioze yingukokolola kwoko liami, yingulinga ha kulemesa jina liami hanga kulichi kajiluka kumeso ja mavungu, kumeso jo naatuhwishile.

Ezekiel 20:9

Alioze nalingile ha kulemesa jina liami hanga kulichi kuhiluka kumeso ja mavungu kuze atwamine, kumeso jo te nalisolwele ha kwachiza mu chifuchi cha Engitu.

Hosea 5:5

Kulengumuka cha Izalele chakumushindakenya kumeso jenyi; Eframe matalinga ni uhie wenyi; Yunda nawa matalinga hamwe no.

Hosea 7:10

Kulengumuka cha Izalele chakumushindakenya hindu kahilukile kuli Yehova Zambi yo, chipwe kumufupa ha yino yuma yeswe.

Amose 7:2

Muze te hamana kulia mwambu weswe wa chifuchi nambile ngwami, Mwene Yehova ngunaliumbu Ukonekene kama! Yakomba kuchi mahasa kulikoleza? Aye wakeha Chichize.

Mika 7:9

Mungutambula utenu wa Yehova mumu hinamuvulumuna; ndo manguhakwila ni chikuma chami, ndo mangupatwila. Kumangutuhwishila mu pangu; kumungumona ululi wenyi.

Efesu 1:12

hanga tukapwe ku uhaliso wa uhenya wenyi, yetu, twaliangile kutalatala kuli Kristu.

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Shimbi 32:27

Alioze nevwile woma ngwami, Akwa kole machoka. Akwa kulimika no machimona ngwe chuma cheka, hanji mamba ngwo, Kwoko lietu hinakumba, Yehova kalingile yino yeswe.

Yoshua 7:9

Mumu A-Kanana ni akwa chifuchi eswe machivwa mba matuseleka nikujimuna jina lietu hashi. Mba yena, kuchi mulinga mumu ha jina lie linene?