Jeremia 14:22 - MUKANDA USANDU WA ZAMBI 1975

²² Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Mukanda Wa Zambi 1970

²² Niumwe hakachi ka mazambi ja akwa mavungu mahasa kunokesa vula; chibwe lilu linene kuliahashile kunokesa vula. Aa Mwene Zambi, Zambi yetu, twakusa mbunge kuli yena, mumu yena wika wakulinga yuma yino.

Jeremia 14:22 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 17:14

Mumu Yehova Zambi ya Izalele kanambe ngwenyi, Wunga mu chisoka kuuchi katepuluka, chipwe mulondo wa maji kuuchi kahwa ndo tangwa Yehova matuma vula hashi.

1 Yitanga Ya Mianangana 18:1

Kulutwe lia matangwa anji liji lia Yehova yiliza kuli Eliya mu mwaka wamuchitatu ngwenyi, Yako usoloke kuli Ahabe mba mungutuma vula hashi.

1 Yitanga Ya Mianangana 8:36

hipanjika yena mwilu ukakonekene mulonga wa tuvumbi twe ni wa atu je A-Izalele, muze mukaalongesa jila yipema yize chaatamba kwendelamo; utume vula ha chifuchi che chize hiwahana chikapwe chihinga cha atu je.

Jobe 28:26

muze wasele shimbi ja vula, ni jila ya njaji ni kukulunguza,

Jobe 5:10

Kakunokesa vula hashi, kakutuma meya ha minda.

Miaso (Masamu) 130:5

Kakutwaminyina Yehova. Mbunge yami yakutwaminyina. Ku liji lienyi nakutalatala.

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Miaso (Masamu) 147:8

Yoze wakufuka mwilu ni malelwa. Yoze wakululikila vula hashi. Yoze wakusokesa mwambu ha milundu.

Miaso (Masamu) 25:21

Kutuwika cha mbunge ni ululi ungufunge, mumu hali yena ngunatatatata.

Miaso (Masamu) 25:3

Hakachi ka waze akutalatala kuli yena niumwe mevwa sonyi, alioze kumevwa sonyi waze akulinga ni mafwefwe, chikuma keshi nacho.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 30:23

Iye kumakanwaha vula ha mbuto yize munukakuwa hashi, ni mbuto yize muyima ku mavu, mba muyipwa yipema ya kulumbama. Ha tangwa lize nawa yimuna jenu makalia ku ulilo unene.

Izaya 41:29

Eswe hanapu chongo chamokomoko, yilinga yo yamokomoko, tuponya two a kuzuzulula eswe fuji yamokomoko.

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 10:13

Muze mahiohiesa liji lienyi kwapwa lundunjila wa meya mu malilu. Kakwandula mbundu ku masongo a hashi. Kakutanga njaji ja vula; kakuchiza fuji ku machila jenyi.

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 10:3

mumu ndako ja mavungu ja kwonga. Mapakula mutondo wa mu yambu mausonga ni njimbu mu kwoko lia chilangaji.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 5:12

Hanahanjikila mahuza Yehova ngwo, Kechi kulinga nichimwe; chipi nichimwe kuchichi kutuwana; chipwe katana, chipwe kapunga, kutuchi kuyimona.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Jeremia 51:16

Muze matuhwisa liji lienyi kwakupwa kunuma cha meya mwilu, kakwandula mbundu ndo ku masongo a hashi. Kakutuma njaji ja vula, kakuchiza fuji mu mazuwo jenyi a kuswekela.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Amose 4:7

Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Mika 5:6

O makayula chifuchi cha Asuria ni katana, ni chifuchi cha Nimorote machiyula ni katana wa kutomona. Makatupulula kuli A-Asuria muze manjila mu chifuchi chetu nikuliata muchima lia njiza yetu.

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Shimbi 28:12

Yehova makanupakwila upite wenyi upema wa mwilu, mukunokesa vula wa chifuchi chenu ha mwaka wenyi, mukuwahisa milimo yeswe ya moko jenu. Munukahana mikuli ku mavungu anji, alioze kunuchi katambula mikuli.

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.