Jeremia 14:2 - MUKANDA USANDU WA ZAMBI 1975

² Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Mukanda Wa Zambi 1970

² “Yuda kanalili; yihunda yenyi yinafu, atu jenyi kaanabombo hashi ni kulinyenga, Yerusaleme kanakololoka hanga amukwase.

Jeremia 14:2 Iomraidhean Croise

Jobe 34:28

Chocho ahetesele muteto wa yiswale kuli iye. Iye wevwile muteto wa akwa lamba—

Miaso (Masamu) 144:14

Ngombe jetu akapwe no yiteli yinene, ni kupupa chakuhi ni kutuhuka chakuhi, ni muteto wakuhi mu matapalo jetu.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Izaya 15:5

mbunge yami yinatete mumu ha Moape; waze anakatukako kanachinyina ku Zoare, ni ku Eglata-Shelishia. Mumu ha ukandukilo wa Luhite kanakanduka nikulila. Mu jila ya ku Horonaime kanakalumioka ni liji lia kwonwona.

Izaya 24:11

Ku matapalo muteto uliko mumu ha kuhona vinyu; uwahililo weswe hiwaheta ku songo ngwe chingoloshi; chiseke cha hashi hanachihumu.

Izaya 24:4

Hashi kuhanalili ni kulela, muno-muze munahongo ni kulela; ni malilu kanahongo hamwe ni hashi.

Izaya 24:7

Vinyu yinalishimwoka, ni mitondo ya uva yinahongo, akwa mbunge ja chiseke eswe kanatu mikuma.

Izaya 3:26

Yajilo yako muyilila ni kulishimwoka; matwama hashi mumu hamupupa.

Izaya 33:9

Chifuchi chinalili ni kuhonga; Lebano kuyinatatajala ni kulela; Sharone yapwa ngwe puya, ni Mbashane ni Karmela kanalakumuna mafwo jo.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 12:11

Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 18:22

Tukevwe muteto ku mazuwo jo, muze muneha akwa kupupa hali ayo susumuku! Mumu o hanangufulila wumbu, nikungutela makambwila.

Jeremia 4:28

Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Jeremia 46:12

Mavungu hanevu lufuma wa sonyi je; hashi hatakana ni muteto we. Mumu kajita hatalinga hali kajita ni mukwo, mba halimbukila hamuwika.

Jeremia 8:21

Mbunge yami yili ni chilonda mumu ha chilonda cha mwana wa pwo atu jami. Ngunalishimwoka; mwongo wangukwata.

Lungungu 2:8

Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Lungungu 5:10

Kowa lietu liasasaminya ngwe jiko, ni kusasaminya cha kapunga.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Joele 1:10

Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Joele 1:11

Enu njimi, ivwenu sonyi; enu akwa kululika miuva, lilenu mbimbi mumu ha tiliku ni ha sevada. Mumu mbuto ya mu minda hiyafuwa.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Joele 2:6

Ha kwiza cho mavungu kanapinji, ku meso ja atu eswe kunatomonoka ni woma.

Hagai 1:11

Hinasanyika changa ha chifuchi, ni ha milundu, ni ha mbuto, ni ha vinyu yaha, ni ha maji, ni ha yuma yize mavu akwima, ni hali atu, ni hali yimuna, ni ha milimo yo yeswe.

Zakaria 7:13

Yehova-wa-Tujita kanambe ngwenyi, Yami naasanyikine, o katayile kupanjika; chocho nawa o asanyikine ni yami chatayile kupanjika.

1 Samuel 5:12

Malunga aze kafwile alokokele ni yivunda, mba muteto wa limbo wakandukile kwilu.

1 Samuel 9:16

Hamene, ha ola yino, mungukutuma umwe lunga wa ku chifuchi cha Mbenjamine, ukamuwayise akapwe kasongo ka atu jami A-Izalele. Iye makalamwina atu jami ku moko ja A-Filistea, mumu hinatala atu jami se muteto wo hiwanguheta.