Jeremia 14:18 - MUKANDA USANDU WA ZAMBI 1975

¹⁸ Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Mukanda Wa Zambi 1970

¹⁸ Muze nakuya mu yambu, nakumona afu waze haashiha mu jita; muze nakuya mu yihunda, nakumona waze haafwa ni zala. Akwa munanyi ni mahako kaakulinga milimo yo, alioze yize akulinga kaayinyingikine.’ ”

Jeremia 14:18 Iomraidhean Croise

Izaya 22:2

nwazala ni kukalumioka, chihunda cha Chizungozungo chihunda cha kulikwiza? Afu jenu kaashihile ni katana hanji mu jita.

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 23:21

Ami chatumine aprofeta, hindu azombokele. Chahanjikile no hindu aprofetezele.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 6:25

Kanda nutuhuka kuya ku munda, chipwe kwenda mu jila, mumu mukwa kole kali ni katana, mwongo uliko sali ni sali.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Lungungu 1:20

Yehova, tala, mumu nguli mu lamba, mwono wami unalifwichi, mbunge yami yinawondeka muchima liami mumu hinakukatukila chikolo. Ha matapalo katana kanafwisa atu mu zuwo mwapwa ngwe ufwe.

Lungungu 2:19

Katuka, teta ha ufuku ha kuputuka tulayi! Zukula mbunge ye ngwe meya kumeso ja Mwene! Zundula moko je kuli iye ha mukunda wa ana je waze analezumuka ni zala ku songo lia tapalo lieswe.

Lungungu 4:9

Waze afwile ni katana muhapwa, waze afwile ni zala lamba amwene. O apokiekele, a kutuwa mumu ha kuhona mihuko ya ku mavu.

Ezekiel 7:15

Haze katana uliko; muchima chilungo ni kapunga. Yoze uli mu yambu mafwa ni katana; yoze uli mu chihunda manonga ni kapunga ni chilungo.

Amose 4:6

Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Shimbi 28:36

Yehova makanuhetesa ni yenu ni mwanangana wenu nwamutongwele anuyule ku vungu limwe yenu kunwalinyingikine, chipwe yenu, chipwe akakenu, munukavumbikako tuzambi tweka, te mitondo ni mawe.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.