Jeremia 14:16 - MUKANDA USANDU WA ZAMBI 1975

¹⁶ Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Mukanda Wa Zambi 1970

¹⁶ Atu waze akubanjika longeso lio no che maakafwa. Maambila mu majila a Yerusaleme, niumwe yoze maafunda. Chenacho mungulinga ayo eswe, ni mapwo jo, ni ana jo a malunga ni a mapwo. Mungwalinga nikulita ni ungulungulu wo.”

Jeremia 14:16 Iomraidhean Croise

Yishima 1:31

Kashika kumakalia mihuko ya kwenda cho. Kumakakuta ni yitaka yo ene.

Izaya 51:20

Ana je kanalezumuka, kanapombo ku songo lia tapalo lieswe ngwe kai mu lwoji; hazala ni ufwatulo wa Yehova, Zambi ye haakanda.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 20:6

Ni yena Pashure ni waze eswe a ku zuwo lie munuya ku ufunge. Kwe ku Babilonia munuya, mba kwenako munufwila, ni kwenako manufunda, yena ni masepa je eswe waze hiwaprofeteza kuli ayo ni mahuza.

Jeremia 27:15

Yehova kanambe ngwenyi, Chaatumine yami, hindu kanaprofeteza mahuza mu jina liami, kashika mungunuhuma mba munukakuwa, ni yenu ni aprofeta aze anaprofeteza kuli yenu.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 7:33

Mijimba ya afu ja vungu lino muyipwa kulia kuli tujila a mu tetela, ni kuli tushitu a mu yambu, ni kukuchi kupwa akwa kwayingila.

Jeremia 8:1

Yehova kanambe ngwenyi, Ha matangwa aze yifwaha ya mianangana ja A-Yunda, ni yifwaha ya alemu jenyi, ni yifwaha ya asasendote, ni yifwaha ya aprofeta, ni yifwaha ya A-Yerusaleme mayichiza ku mafuka jo.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Jeremia 9:22

Amba ngwe, Yehova kanambe ngwenyi, Mijimba ya malunga afu muyilimbuka hashi ngwe wilo. Muyiholoka ngwe yichita kuli mukwa kucha, mba niumwe mayanda,

Ezekiel 39:14

Makasela malunga kupalika chifuchi cheswe tangwa ha tangwa nikutanda waze hasala helu lia mavu akachipemese. Ha songo lia tukweji shimbiali makahengula chocho.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Usolwelo 16:1

Mba nevwile liji linene lia kukatuka ku tembele, Unambe kuli angelo shimbiali ngwo, Yénu, nukamwange misenge ya ufwatulo wa Zambi hashi.