Jeremia 14:12 - MUKANDA USANDU WA ZAMBI 1975

¹² Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Mukanda Wa Zambi 1970

¹² Chibwe alitwamine kulia, hindu chichi kubanjika ku kulila cho; chibwe angulambule milambu ya kwocha ni ya mbuto, chichi kuwahilila no. Alioze, mungwashihila mu jita, ni zala, ni misongo.”

Jeremia 14:12 Iomraidhean Croise

Jobe 27:9

Te Zambi mevwa muteto wenyi muze lamba hiliamuwana?

Yishima 1:28

Mba makangusanyika, alioze yami chichi kukumbulula; mukangufupa chimenemene alioze kuchi kanguwana.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 21:27

Chitapo cha yingulungulu chapwa chizelwokeso; alioze muze machineha ni manyonga a ungulungulu mba chahiana kupiha.

Yishima 28:9

Yoze matewulula twitwi lienyi ku shimbi, chipwe kulemba chenyi kuchakuzelwokesa.

Izaya 58:3

Kuchi te twakulitwamina kulia, alioze yena kwachimwene? Kuchi te twakulilelesa, alioze yena kwachisele mbunge? Mumu ha tangwa lia kulitwamina kulia nunafupu kuliwahisa yenwene, hindu nwakupinjisa ngamba jenu.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 11:14

Kashika kanda ulembela vungu lino chipwe kwatetela hanji kwahakwila mumu chichi kapanjika muze mangusanyika ha tangwa lia lamba lio.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 21:6

Mungulamba akwa chihunda chino, ni atu ni tushitu, kumafwa ni chilungo chinene.

Jeremia 24:10

Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Jeremia 8:13

Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Jeremia 9:16

Mungwamwanga hakachi ka mavungu kaanyingikine, chipwe tulamba two, mungwahanga ni katana ndo hinaanongesa.

Ezekiel 14:19

Chipwe mungutuma chilungo ha chifuchi chize nikuzukulaho ufwatulo wami ni manyinga ngukasutuleko atu ni tushitu,

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Hosea 5:6

Makaya kufupa Yehova ni mapanga jo ni ngombe jo, alioze kechi kamuwana; mumu hanakatuka kuli ayo.

Amose 5:21

Chazangile yiwanyino yenu, ngunayisaula, chevwile kuwaha ni yikungulwila yenu yilemu.

Mika 3:4

Mba kumakateta kuli Yehova alioze aye kechi kaakumbulula. Kumakaaswekela meso jenyi ha mwaka uze mumu yitanga yize halinga yipi.

Zakaria 7:13

Yehova-wa-Tujita kanambe ngwenyi, Yami naasanyikine, o katayile kupanjika; chocho nawa o asanyikine ni yami chatayile kupanjika.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

Usolwelo 6:8

Namwene, kavwalu watomonoka: ni yoze watwamineho, jina lienyi, Kufwa; ni Heteze yakawile hamwe nenyi; aahele poko ha chihanda chimuwika cha ku yihanda yiwana ya hashi, mukushiha ni katana, ni kapunga, ni kufwa, ni kuli tushitu asasu a hashi.