Jeremia 14:10 - MUKANDA USANDU WA ZAMBI 1975

¹⁰ Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Mukanda Wa Zambi 1970

¹⁰ Mwene Zambi kanambe hakutwala kuli atu wano ngwenyi: “Kaanazange kungwehuka, kaasolo kulihumikiza. Kashika Chishi kuwahilila no. Kumungwiwuluka yibi yize haanalingi ni kwamwesa lamba mumu ha milonga yo.”

Jeremia 14:10 Iomraidhean Croise

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

Miaso (Masamu) 119:101

Hingunachinji yiliato yami ku jila yeswe yipi, hanga ngukamanunune liji lie.

Miaso (Masamu) 95:10

Makumi awana a miaka ndusu napihilile ni chisemuko chize. Nambile ngwami, Wano atu akwa kuhenga mu mbunge jo; kanyingikine majila jami.

Kutuhuka 32:34

Haliapwila hiyako, ukasongwele atu kuma kuze navulukile kuli yena. Mungelo wami kumakanutetekela alioze ha tangwa lize mungukafwetesa, kumungukaafwetesa mulonga wo.

Jeremia 2:36

Chapwa chilelu kuli yena kuhehwangila nikwalumiona ndako je! Alioze kumakukolesa sonyi kuli A-Engitu chizechene ngwe akukolesele sonyi kuli A-Asuria.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Ezekiel 29:16

Kuuchi kapwa nawa ujikijilo wa munyachi wa Izalele nikwiwuluka uhenge wo muze atalile kuli ayo akaakwase. Henaho makanyingika yami nguli Mwene Yehova.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 11:9

Chichi kulinga utenu wami usasu; chichi kwonwona nawa Eframe. Mumu nguli Zambi, hi nguli mutu ko, yami mwe Musandu mukachi kenu, kashika chichi keza mukwonwona.

Hosea 7:13

Lamba lio mumu hanahambuluka kuli yami! Akaonwone, mumu hanangukatukila! Ami ngunafupu kwakula, alioze kakuhanjika mahuza a kulimika ni yami.

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Amose 5:22

Chipwe munungulambula milambu yenu ya kulumba ni ya wunga chichi kuyitambula. Milambu yenu ya sambukila ni yimuna jenu a maji, chipwe kutala chichi kayitala.

Hebreu 8:12

Mumu kumungwavwila keke ha uhenge wo, ni milonga yo chichi kayiwuluka nawa ndo ku miaka ya mutolo.

1 Samuel 15:2

Yehova-wa-Tujita kanambe ngwenyi, Hingunamono chize A-Amaleke alingile kuli A-Izalele, chize alimikine no mu jila ha kukatuka ku Engitu.