Jeremia 13:24 - MUKANDA USANDU WA ZAMBI 1975

²⁴ Mungunumwanga ngwe yizungu yize yakuhehuka ni fuji ya ku puya.

Mukanda Wa Zambi 1970

²⁴ Mwene Zambi manumwanga ngwe chize fuji ya mu puya yakumwanga yiswaswa.

Jeremia 13:24 Iomraidhean Croise

Miaso (Masamu) 1:4

Yingulungulu keshi kupwa chocho. O kapwa ngwe yizungu yize yakuhehuka ni fuji.

Izaya 17:13

Mavungu kanachungula ngwe kuchungula cha meya anji. Alioze kumakaakanda mba machina kusuku. Maahuma ngwe yizungu mu fuji ha milundu, ngwe fufuta ya kuhehula kulutwe lia kangonga.

Izaya 41:16

Munukayifuza ni fuji muyikayihehula. Kangonga makaamwanga. Mba munukawahilila muli Yehova; munukalisamba muli mwe Musandu wa Izalele.

Jeremia 18:17

Mungwamwanga ngwe fuji ya ku Chivumbuko kumeso ja akwa kole. Nyima yami mungwatalikisa ha tangwa lio ha kuji-ni-tomo, hi meso jami ko.

Jeremia 9:16

Mungwamwanga hakachi ka mavungu kaanyingikine, chipwe tulamba two, mungwahanga ni katana ndo hinaanongesa.

Lungungu 1:15

Mwene walelesele malunga jami eswe a ndundo hakachi kami. Wasanyikine chikungulwila cha kulimika ni yami akafwenye akweze jami. Mwene haliata mwe mwana-pwo virgem Yunda ngwe ukamino wa uva.

Ezekiel 17:21

Ni akwa kuchina a ku maswalale jenyi makafwa ni katana, ni waze malisalaho makamwangana ku fuji jeswe, mba munukanyingika yami Yehova nachambile.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Ezekiel 6:8

Hindu mungukahichika amwe hakachi kenu a mwono. Muze munukapwa hakachi ka mavungu, amwe waze kafwile ni katana, ni yenu hinwamwangana ndusu mu yifuchi,

Hosea 13:3

Kashika mapwa ngwe mbundu ya chimene; hanji ngwe mume uze wakuma washi; ngwe yizungu yize yakuhehuka ku chizungwilo hanji ngwe mwishi unakatuka ku njanela.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Zefania 2:2

shimbu kanda akolesa shimbi; shimbu tangwa kanda Upalika ngwe yizungu; shimbu utenu usasu wa Yehova kanda unuwana; shimbu tangwa lia ufwatulo wa Yehova kanda linuwana.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

Shimbi 32:26

Te nambile kwamba ngwami, Mungwamwanga kusuku. Mungwajimisa ku manyonga ja atu.

Shimbi 4:27

Yehova kumakanumwanga hakachi ka mavungu. Munukasala piliwiji hakachi ka mavungu kuze Yehova makanumwangina.