Jeremia 13:22 - MUKANDA USANDU WA ZAMBI 1975

²² Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Mukanda Wa Zambi 1970

²² Nyi muulihula ngwe: “Mumu yika yino yeswe yanguwana, mumu yika mahina jami haatanwoka ni haangulimbula ni tachi?” Mungwamba ngwami, mumu milonga ye yoka naye.

Jeremia 13:22 Iomraidhean Croise

Izaya 20:4

chocho mwanangana wa Asuria makatwala A-Engitu funge ni A-Etiopia akatwame ku chifuchi kusuku, ni makulwana ni twanuke, keshi mazalo keshi haku, ni matako a kufukula, chikapwe sonyi ja A-Engitu.

Izaya 3:17

kashika Mwene makalamba mitwe ya mapwo a mu Zaione ni yilonda, Yehova makaafukula lume.

Izaya 47:8

Kashika panjika chuma chino, ena wakuzanga chiseke, watwama ngú. Unambe mu mbunge ye ngwe, Yami nguli, mba kukushi mukwo. Chichi kutwama tuliwa, hanji kunyingika kufwisa ana.

Jeremia 13:26

Yami mwene munguzundula hina lie ndo ku meso, hanga sonyi je jikamoneke.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 5:19

Mba muze atu jenu mamba ngwo, Kuchi te Yehova Zambi yetu hatulinga yino yuma yeswe? Ena muwamba kuli ayo ngwe, Chizechene ngwe yenu hinwangwehuka, hinwalingila mazambi a yilambala mu chifuchi chenu, chochene munukalingila yilambala mu chifuchi hi ni chenu ko.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Ezekiel 23:26

Makakuzula mazalo je nikukuchiza yuma ye ya uhenya.

Hosea 12:8

Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Hosea 2:10

Mba mungutukula usolo wenyi kumeso Ja akwa zango lienyi. Niumwe mamupulula ku moko jami.

Hosea 2:3

Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Nahume 3:5

Yehova-wa-Tujita kanambe ngwenyi, Kunalimika ni yena, kashika mungukufukula mahina je ndo ku meso, hanga mavungu amone uselesele we ni mawanangana amone sonyi je.

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Shimbi 18:21

Kachi munwamba mu mbunge jenu ngwenu, Kuchi mutunyingika liji kalihanjikile kuli Yehova?

Shimbi 7:17

Kachi yenu munwamba mu mbunge jenu ngwenu, Mavungu hoka, anatuhiana yetu. Ngwe kuchi mutuhasa kwatambula chifuchi?

Shimbi 8:17

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.