Jeremia 13:17 - MUKANDA USANDU WA ZAMBI 1975

¹⁷ Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Mukanda Wa Zambi 1970

¹⁷ Nyi kunwabanjikile, mungulilila ku tenga mumu ha kulengumuka chenu; mungulila kuhiana, masoji jami maalundumuka mumu atu jami kaanatwama mu undungo.

Jeremia 13:17 Iomraidhean Croise

Miaso (Masamu) 119:136

Ku meso jami tuzololo twa meya kakusulumiokena mumu atu keshi kufunga shimbi ye. Zade

Miaso (Masamu) 80:1

Panjika kama, yena Kafunga ka Izalele. Yena wakutetekela José ngwe chendo cha yimuna. Panguluka kama yena wakutwama hakachi ka akerupime.

Izaya 63:11

Mba yewuluka matangwa a kushi a kavumbi kenyi Mose. Yoze wachijile mu kalunga-lwiji tufunga twa mapanga jenyi, kuli ali? Kuli atwama yoze wasele Spiritu yenyi musandu hakachi ko?

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 15:17

Chatwamine hamuwika ni akwa chiseke, chipwe kulikwiza. Natwamine ukwawami mumu kwoko lie liapwile hali yami, mumu hiwanguzalisa ni wuli.

Jeremia 17:16

Chakushinjikile kutuma chipi, chazangile tangwa lia huli, yena unachinyingika. Yize yeswe yatuhukile mu kanwa liami kwe kumeso je nayambile.

Jeremia 22:5

Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Jeremia 23:1

Yehova kanambe ngwenyi, Lamba kuli tufunga akwonwona ni kumwanga mapanga a kelo jami.

Jeremia 23:2

Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 2:18

Teta ni tachi kuli Mwene, yena mwana-pwo Zaione. Masoji akapukumuke ngwe muhwiji mwalwa ni ufuku! Kanda uhwima; kanda utayiza meso je kulitwamina.

Lungungu 3:48

Meso jami kanalili mihwiji ya masoji mumu mwana wa pwo atu jami hanamwonwona.

Ezekiel 24:16

Mwana mutu, nyingika kanawa ngunambe kukutambula susumuku chize meso je anawahilila nacho; alioze kanda ulishimwoka chipwe kulila, chipwe kutayiza masoji je kusotwoka.

Ezekiel 34:31

Mwene Yehova kanambe ngwenyi, Enu nuli mapanga jami; mapanga ja kelo jami, ni yami nguli Zambi yenu.

Ezekiel 36:38

Ngwe mbunga ya mapanga ha yitapo, ngwe mbunga ya mapanga ku Yerusaleme ha mwaka wa yiwanyino yenyi ya kufunjika, chocho yihunda yize ya hululu muyikazala ni mbunga ja malunga. Henaho makanyingika yami nguli Yehova.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

1 Samuel 15:35

Samuel kejile nawa kumona Saulu ndo ku tangwa lia kufwa chenyi. Alioze Samuel yalinyenga hali Saulu, ni Yehova yalikonyeka ha kupwisa Saulu mwanangana wa Izalele.