Jeremia 13:14 - MUKANDA USANDU WA ZAMBI 1975

¹⁴ Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Mukanda Wa Zambi 1970

¹⁴ Mba mungukabuba umwe ni mukwo ngwe yikashi, tushinakaji ni akweze. Mungukaashiha. Chichi keevwila keke, chibwe kwalweza utu.”

Jeremia 13:14 Iomraidhean Croise

2 Sango Ja Mianangana 20:23

Mumu A-Amone ni A-Moape yalimika ni akwa mulundu wa Sere kwashiha ni kwanongesa liakulu. Mba muze hamanuna A-Sere, mweswe wakwashile kunongesa mukwo.

Jobe 27:22

Kakumulundumukina ni keke yakuhi; aye kakuchina tachi jenyi kapupushi.

Miaso (Masamu) 2:9

Kumukaamakuna ni lukanda wa utale, kumukaashiha tuyipinji ngwe sapa ya tengi.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Jeremia 15:5

Ena Yerusaleme, iya makuvwila keke? Iya makutetela? Iya majingako akahule chize watwama?

Jeremia 15:6

Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Jeremia 16:5

Mumu Yehova kanambe ngwenyi, Kanda unjila mu zuwo lia kulilila, kanda uya ukalite mbimbi hanji kwatwila mikuma mumu yami hinachiza sambukila yami ku vungu lino, hamwe ni utu wa zango liami ni keke. Chocho kanambe Yehova.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 25:16

Kumakanwa, kumakapiepieta, kumakazaluka mumu ha katana ngunatumu hakachi ko.

Jeremia 47:3

Atato kechi katala kunyima kuli ana jo, mumu ha upekepeke wa moko jo; ha mukunda wa lundunjila wa sende ja tuvwalu twenyi ha kulundumuka cha matemba jenyi ni chinumo cha maroda jo;

Jeremia 48:12

Kashika Yehova kanambe ngwenyi, Matangwa meza muze mungutuma kuli iye akwa kutehuna, mba mamutehuna, nikupukumuna yikwachilo yenyi, nikupalwola milondo yenyi yipalupalu.

Jeremia 6:21

Kashika Yehova kanambe ngwenyi, Mungusa kulutwe lia wano atu yitalingiso hanga akalimbukileho, ni atato ni ana jo hamuwika, ni mwenyembo ni sepa makakuwa.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Ezekiel 24:14

Yami Yehova ngunachambe, kumuchikapwa, kumungukachilinga. Chichi kahiluka kunyima; chichi kanuvwila keke; chichi kalikonyeka. Mwene Yehova kanambe ngwenyi, Mungukanupatwila nikulita ni ndako jenu ni yitanga yenu.

Ezekiel 7:3

Songo hilianuheta, mba mungusola utenu wami hali yenu. Mungunupatwila nikulita ni ndako jenu. Mungunwaha kastigu ya yitanga yenu yeswe ya lwaji.

Ezekiel 7:4

Liso liami kulichi kanuvwila vumbi, chichi kanuvwila keke, alioze mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova.

Ezekiel 7:9

Mumu liso liami kulichi kanuvwila vumbi; chichi kanuvwila keke. Mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova, mukwa kulamba.

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Ezekiel 9:10

Ni yami, liso liami kulichi kaavwila vumbi, chichi kaavwila keke, alioze mungwahilwisa fweto yo ha mitwe yo.

Ezekiel 9:5

Kuli akwo yamba, mwe mu matwi jami, ngwenyi, Palikenu ndusu mu chihunda nikumukaula, nukalambe. Liso lienu kulichi kaavwila vumbi; kanda nwalweza keke.

Hosea 2:4

Chichi kuvwila keke ana jenyi mumu o ana ja ukoi.

Zakaria 11:6

Mumu Yehova kanambe ngwenyi, Chichi kapwa nawa ni keke hali akwa chifuchi chino. Nyingikenu, mungukalimbwisa mutu mweswe mu kwoko lia kafunga kenyi. Mutu mweswe mungukamukunjika mu kwoko lia mwanangana wenyi mba makafwenya hashi. Chichi kapulula niumwe ku moko jo.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Marku 13:12

Mukulwana kumakakunjika mwanakwo ku kufwa, tato makakunjika mwanenyi; ana kumakakatukila yisemi, makaashihisa.

Shimbi 29:20

Yehova kechi kamukonekena, alioze hohene utenu wa Yehova ni ukwa wenyi muukafwinjila mwishi yoze lunga, shingo lieswe linasonewa mu mukanda uno mulikamushata, Yehova makajimuna jina lienyi mushi lia lilu.

1 Samuel 14:16

Tulayi a Saulu mu Ngibia ya Mbenjamine yatala, kumanyi mbunga yeswe yamwanganyine kweka ni kweka.