Jeremia 13:13 - MUKANDA USANDU WA ZAMBI 1975

¹³ Mba yena muwamba kuli ayo ngwe, Yehova kanambe ngwenyi, Kumungukazalisa akwa chifuchi chino eswe ni kuzengewa, chipwe mianangana waze anatwama ha ngunja ya David, chipwe asasendote, chipwe aprofeta ni waze eswe atwama mu Yerusaleme.

Mukanda Wa Zambi 1970

¹³ Mba walweza nawa ngwe, yami Mwene Zambi, munguzengewesa atu a ku chifuchi chino ni vinyu: mianangana, akwa vungu lia David, ni mahako, ni akwa munanyi, ni atu eswe a mu Yerusaleme.

Jeremia 13:13 Iomraidhean Croise

Miaso (Masamu) 60:3

Hiwalweza atu je yuma yikalu, hiwatunwisa vinyu ya kutuzenga.

Miaso (Masamu) 75:8

Mumu musenge muuli mu kwoko lia Yehova ni vinyu yamo yinafuluka. Wapwa wa tò ni kuchinga, neye kumakautehuna. Chamwenemwene yisele yayo mayitehuna kuli yingulungulu a hashi akayinwe.

Izaya 29:9

Komokenu nulishimwoke, jikenu ku meso nupupute! Zengewenu alioze hi ni vinyu ko, piepietenu alioze hi ni kunwa chisasu ko.

Izaya 49:26

Waze anakupinjisa mungwalisa musunya wo ene. Kumakazengewa ni manyinga jo ene ngwe hanwa vinyu. Henaho atu eswe manyingika yami nguli Yehova, Chilamwina che, kanda Mukwa-Kukukula, kanda Mukwa-Ndundo wa Yakomba.

Izaya 51:17

Ena Yerusaleme hiwanwa ku kwoko lia Yehova we musenge wa ufwatulo wenyi, hiwanwa ndo ku yishikwa musenge wa kupiepietesa. Kasumuka! Kasumuka umane ha molu.

Izaya 51:21

Kashika ivwa chino yena kanakuyindamisa, yena unazengewa, alioze hi ni vinyu ko.

Izaya 63:6

Naliachile mavungu mu utenu wami, nazengewesele mavungu mu ufwatulo wami, nazujile hashi manyinga ja mwono wo.

Jeremia 13:12

Kashika muwamba liji lino kuli ayo ngwe, Yehova Zambi ya Izalele kanambe ngwenyi, Tuku yeswe muyikazala ni vinyu. Mba o mamba kuli yena ngwo, Te kutwanyingikine ngwetu tuku yeswe muyikazala ni vinyu?

Jeremia 25:27

Mba muwamba kuli ayo ngwe, Yehovawa-Tujita, Zambi ya Izalele kanambe ngwenyi, Nwenu, nukazengewe, nukasaze. Limbukenu kanda nukatuka nawa, mumu ha katana yoze ngunatumu hakachi kenu.

Jeremia 25:29

Mumu ngunaputuka kulinga yuma yikalu ku chihunda chize chili ni jina liami, mba enu kechi kunwaha kastigu? Yehova-wa-Tujita kanambe ngwenyi, Kumakanwaha kastigu. Ngunasanyika katana kulimika ni akwa hano hashi eswe.

Jeremia 51:57

Munguzengewesa alemu jenyi ni akwa mana jenyi, ni anguvulu jenyi, ni tupitau twenyi, ni tujita twenyi. Kumakapomba tulo twa mutolo nikulaula ka. Chocho kanambe mwe Mwanangana, jina lienyi Yehova-wa-Tujita.

Jeremia 51:7

Babilonia wapwile musenge wa oru mu kwoko lia Yehova, wa kuzengewesa akwa hashi eswe. Mavungu eswe anwine vinyu yenyi, kashika mavungu eswe azalukile.

Habakuke 2:16

Makuzalisa ni sau, hi uhenya ko. Nwako yena mwene ukapwe ngwe chilima! Musenge wa ku kwoko lia chindume lia Yehova muukuheta mba sonyi mujikafuka uhenya we.